AlbanianSport.com – Kategoria Superiore

Kategoria Superiore Faqja Kryesore

Pas “Covid-19”, futbolli shqiptar rikthehet me një kalendar të ngjeshur

AlbanianSport.com 22/05/2020 23:55

ASNN – Tanimë po merr trajtë gjithçka dhe madje janë përcaktuar Read More

FSHF / Shifrat e Superiores, Tirana spikat edhe në analizën e fundit

AlbanianSport.com 22/05/2020 20:55

ASNN – Federata Shqiptare e Futbollit ka vijuar me disa statistika Read More

Vllaznia / Pagat e papaguara çojnë kuqeblutë drejt bojkotit të stërvitjes

AlbanianSport.com 21/05/2020 23:55

ASNN – Në fakt, u cilësua si një ditë e shumëpritur e hëna e rikthimit në stërvitje tek Vllaznia, por ky ngazëllim nuk ka zgjatur shumë, duke ia lënë madje vendin kaosit të shkaktuar nga pagat e munguara. Muaji shkurt, mars dhe prill, nuk është marrë nga futbollistët e ekipit shkodran, ndërsa administratori Lici dhe kapiteni Gilman Lika, kanë folur për mediat sot. “Ne kishim një takim me skuadrën, natyrisht kërkonin pagesën e muajit shkurt”, – ka sqaruar administratori i Vllaznisë, Suad Lici.

“Ndërsa për marsin dhe prillin, kërkonin informacion, – ka vijuar ai. – Ne jemi të detyruar të zbatojmë ligjet e shtetit shqiptar, pasi nuk janë miratuar financat, i kemi të bllokuara. Diskutova me lojtarët, gjendja e pandemisë ka bërë të veten, nuk mund të paguajmë një punë të pabërë. Ata janë në të drejtën e tyre, ndërkohë që siç dihet, jep shteti minimumin jetik. Çdo gjë ishte transparente, shpresojmë që brenda dy javëve të zgjidhet. Deri në janar, i kemi likuiduar të gjithë 100%.”

Këtë e konfirmoi edhe kapiteni Gilman Lika, i cili tha: “Muaji fundit që kemi marrë rrogën është muaji janar. Askush nuk është paguar, jabanxhinjve nuk u është siguruar as ushqimi dhe u janë prerë dritat. Kështu luhet futboll?! Paga e FSHF-së nuk del për të shtyrë një javë. Propozimi ynë është të paguhemi rregullisht deri në fund të majit, pastaj të vendosë klubi një pagë minimale. Duhet të paguhet qiraja dhe ushqimi i futbollistëve, kjo është minimale.”

“Është vendim i marrë nga të gjithë lojtarët, kemi disa ditë që e kemi diskutuar, – ka vijuar futbollisti kuqeblu. – Unë po flas në emër të gjithë grupit, do të vazhdojmë derisa të zgjidhet situata, nuk mund të vazhdohet më kështu. Këta na thonë se është faji i Këshillit Bashkiak dhe ne nuk e dimë si qëndron puna. Ne do ta vazhdojmë bojkotin deri sa të zgjidhet gjithçka. Ne po kërkojmë dikë që të flasim dhe ta zgjidhim këtë, të krijohet një takim dhe të gjejmë zgjidhje.”

“Me kryebashkiaken nuk kemi komunikuar. Kjo mund të jetë një luftë politike, por nuk na intereson aspak, ne përfaqësojmë Vllazninë. Ne duam të marrim pagat, të paguhen qiratë për jabanxhinjtë dhe ushqimi”, – ka përfunduar kapiteni i Vllaznisë, Gilman Lika, ndërkohë që tanimë gjendja është në amulli të plotë tek klubi i kryeqendrës së veriut, Shkodër.