ASNN – Kampionia olimpike, Majlinda Kelmendi, ka rrëmbyer sot edhe një tjetër medalje të artë. Ajo mposhti japonezen Natsumi Tsunoda, në finalen e “Grend Slem”-it në Paris, një turne ky mjaft i rëndësishëm në botën e xhudos.
Siç dihet, Kelmendi konkurroi në kategorinë e peshës trupore deri 52 kg, kurse në finalen ndaj japonezes, fitoi me “Uaza’ari”. Kështu,, Majlinda Kelmendi ka fituar një tjetër medalje të artë, këtë herë në Paris, ku mundi në finale japonezen Natsumi Tsunoda.
Xhudistja më e mirë e vitit 2016 ka treguar se synon të mbetet e tillë edhe në këtë vit, duke e nisur me një sukses mëse të merituar në Paris. Japonezja Tsunoda kishte mposhtur në gjysmëfinale xhudisten tjetër nga Kosova, Distria Krasniqi.
Kosova ka qenë kështu vetëm një ndeshje larg një finaleje historike midis dy shoqeve të skuadrës. Ndërkaq, para se të mbërrinte në këtë finale, Kelmendi kishte triumfuar në çerekfinale ndaj kanadezes Ekaterina Guica, dhe në gjysmëfinale ndaj amerikanes Anxhelika Delgado.
