ASNN – Kampionati amerikan i basketbollit (NBA) po shkon pak nga pak drejt fundit. Natyrisht, mbeten edhe shumë ndeshje deri në fund dhe objektivat janë të hapura, por në të dy konferencat, si në atë të Lindjes, dhe në atë të Perëndimit, janë dalluar qartësisht skuadrat elitare që luftojnë për trofeun kryesor. Kuptohet, krejt beteja bëhet që në të dy konferencat skuadrat të kapin 8-shen e parë, pasi deri në vendin e 8-të kanë të drejtën e pjesëmarrjes në “play-off”.

Ndërkohë, mbrëmë vonë, Los Anxheles Lejkërs, ky emër i madh i basketbollit amerikan, mori një fitore me vlera të çmuara përballë  Hjustonit, duke fituar pikërisht në fushën e kësaj të fundit me rezultatin 111-106. Me një diferencë të ngushtë prej 5 pikësh, por mjaftueshëm që të marrë një fitore me vlera morale, sepse të paktën nuk shkon më keq në renditje. Hëpërhë, Lejkërsat mbajnë vendin e 10-të në Konferencën e Perëndimit, me 29 fitore e 29 humbje në 58 ndeshje të luajtura.

Në këtë ndeshje një peshë të madhe në fitoren e Los Anxhëles Lejkërs pati “mbreti” LëBron Xhejms, i cili fitoi ndeshjen përballë “mbretit” të Hjustonit, Xhejms Harden. LëBron shënoi 29 pikë, kurse Harden realizoi 30 pikë dhe ishte më i miri për Hjuston. Por Xhejmsi i Lejkërsave zotëroi 11 topa në tabelë, duke qenë thuajse i pakapshëm dhe ndikoi në fund në fatet e takimit. Kjo fitore i ndihmon Lejkërsat të afrohen 8-shen e parë, por këtë pozicion ekstrem për “play-off”-in e ka për momentin rivali i qytetit, Los Anxheles Klipërs, me 32 fitore e 27 humbje.

Ndeshjet e datës 21 shkurt 2019:

Finiks Sans – Klivlend Kavaliirs                              98-111

Majemi Hit – Filadelfia 76-ërs                                 102-196

Portlend Trejlblejzërs – Bruklin Nets                     113-99

Boston Sëlltiks – Miluoki Baks                                 97-98

Sakramento Kings – Gollden Stejt Uorriërs         123-125

Hjuston Rokets – Los Anxheles Lejkërs               106-111

Renditjet

Konferenca e Lindjes:

Nr.       Skuadra                     N.        F.         H

1. Miluouki Baks           58        44        14
2. Toronto Reptërs       57        43        16
3. Indiana Pejsërs        58        38        20
4. Filadelfia 76-ërs       59        38        21
5. Boston Sëlltiks         59        37        22
6. Bruklin Nets              60        30        30
7. Sharlotë Hornets      57        27        30
8. Detroit Pistons          56        26        30
9. Orlendo Mexhik        59        27        32
10. Majemi Hit 57        26        31
11. Uashington Uizërds 58        24        34
12. Atlanta Houks 58        19        39
13. Çikago Bulls 58        14        44
14. Klivlend Kavaliirs 59        13        46
15. Nju Jork Niks 58        11        47

Konferenca e Perëndimit:

Nr.       Skuadra                                 N.        F.         H

1. Gollden Stejt Uorriërs          58        42        16
2. Denver Nagets                     57        39        18
3. Oklahoma Siti Thandër       57        37        20
4. Portland Trejlblezërs           58        35        23
5. Hjuston Rokets                     58        33        25
6. Jutah Xhez                           57        32        25
7. San Antonio Spërs              59        33        26
8. LA Klipërs                              59        32        27
9. Sakramento Kings               58        30        28
10. Los Anxhëles Lejkërs 58        29        29
11. Minesota Timbervulvs 57        27        30
12. Dallas Maveriks 57        26        31
13. Nju Orlins Pelikens 59        26        33
14. Memfis Grizllis 59        23        36
15. Fëniks Sans 60        11        49