ASNN – Me takimin midis Apolonisë dhe Laçit, u luajt pasdreke në Fier dhe u fitua nga miqtë me dy gola të shënuar nga afrikani Xhejms në pjesën e dytë, ka ngritur siparin java e 18-të e Kategorisë Superiore të Kampionatit Kombëtar të Futbollit.

Kjo javë vazhdon sot pasdite me takimin që ka nisur në orën 16:00 në “Elbasan Arena”, midis Elbasanit dhe Partizanit, ndërsa 3 takimet e tjera luhen të dielën, duke nisur nga ora 17:00.

Në Shkodër, Vllaznia pret Skënderbeun, ndërsa kryesuesja e renditjes, Kukësi, është mysafire në Vlorë, për t’u ndeshur me Flamurtarin vendas. Takimi i fundit i kësaj jave, ai midis Tiranës dhe Teutës, që do të luhet të dielën, duke nisur nga ora 17:00, do të sillet për sportdashësit drejtpërdrejt nga Rrjeti i Radio-Televizionit Shqiptar.

Kukësi kryeson renditjen me 35 pikë, dy më tepër sesa Skënderbeu dhe Partizani, ndërsa Tirana mban vendin e 4-t, me 32 pikë.

Kategoria Superiore

Java e 18-të

Të shtunën, 20 dhjetor 2014:

Apolonia – Laçi                     0-2

Shënues: Xhejms 55’, 67’

Stadiumi “Loni Papuçiu”, Fier

Elbasani – Partizani             (16:00)

Stadiumin “Elbasan Arena”, Elbasan

Të dielën, 21 dhjetor 2014:

Tirana – Teuta                       (17:00)

Stadiumi Kombëtar “Qemal Stafa”, Tiranë

Vllaznia – Skënderbeu        (17:00)

Stadiumi “Loro Boriçi”, Shkodër

Flamurtari – Kukësi  (17:00)

Stadiumi “Flamurtari”, Vlorë