ASNN – Skuadra e Volfsburgut ka refuzuar të marrë në gjirin e saj mesfushorin Xherdan Shaqiri.

Pas njoftimeve të mediave të ndryshme gjermane se Interi kërkon të huazojë Shaqirin tek një klub tjetër evropian, duke përmendur si njërin prej tyre pikërisht Volfsburgun, ka reaguar zyrtarisht klubi i Bundesligës, i cili ka bërë të qartë se nuk ka vend për mesfushorin kosovar.

Shaqiri ka refuzuar të kalojë edhe tek Stouk Siti në kampionatin anglez dhe ka siguruar se dëshiron të vazhdojë kontratën e tij me zikaltrit në kampionatin italian.

Opsioni i Volfsburgut, skuadër që zuri vendin e dytë në kampionatin gjerman sezonin e kaluar, duket e ka rënë menjëherë si alternativë.