Federata Shqiptare e Volejbollit ka zyrtarizuar që dje ndryshimet e ditëve dhe orareve të ndeshjeve të vlefshme për javën e 7-të të Kampionatit Kombëtar të Femrave dhe Meshkujve. Së pari ndryshimet, ashtu sikurse është sqaruar dhe në informacionin zyrtar të Federatës Shqiptare të Volejbollit, kanë ardhur për shkak të transmetimit të ndeshjeve në ekranin e Rrjetit të Radio-Televizionit Shqiptar.

Gjë që për “Sport Ekspres” është konfirmuar dhe nga drejtori i departamentit të sportit në RTSH, Pano Xhixho, i cili ka nënvizuar faktin se TVSH 2 dhe RTSH Sport do të jenë pikërisht në dispozicion të volejbollit. Dhe që të premten me Partizani-Erzeni për meshkuj, për të vazhduar të hënën me Farka Volej-Studenti për meshkuj dhe Partizani-Teuta për femra, Rrjeti i Radio-Televizioni Shqiptar do të jetë edhe për volejbollin.

Ashtu sikurse ka bërë të premten e kaluar me Studenti-Partizani në volejboll për meshkuj dhe Ardhmëria Basket-Tirana në basketboll për meshkuj. Ndërkohë ndryshimet e tjera në kalendar kanë pasur të bëjnë me faktin e rikonstruksionit të Sallës Sportive “Fahrie Hoti”, ndërsa Tirana jo vetëm në volejboll, por dhe në basketboll është e detyruar të luajë në “Asllan Rusi”.

Për rrjedhojë, të shtunën në sallën Nr. 2 të Pallatit të Sportit “Asllan Rusi” në kryeqytet do të jenë 3 ndeshje, sepse krahas Barleti Volej-Vllaznia për femra do të jenë dhe Tirana-Skënderbeu për femra e Tirana-Elbasani për meshkuj. Por ajo që mbetet thelbi i çështjes është transmetimi direkt në Rrjetin e RTSH-së i volejbollit, një gjë shumë e rëndësishme për sportin e rrjetës në vend.

Kampionati Kombëtar

i Volejboll – Meshkuj

Java e 7-të:

Të premten:

Partizani – Erzeni                 ora 19:00

Drejtpërdrejt në Rrjetin e RTSH-së (TVSH 2 & RTSH Sport)

Pallati i Sportit “Asllan Rusi”, Tiranë

Të shtunën:

Tirana – Elbasani                 ora 17:00

Salla nr. 2, Pallati i Sportit “Asllan Rusi”, Tiranë

Të hënën:

Farka Volej – Studenti         ora 16:00

Drejtpërdrejt në Rrjetin e RTSH-së (TVSH 2 & RTSH Sport)

Pallati i Sportit “Asllan Rusi”, Tiranë

Kampionati Kombëtar

i Volejboll – Femra

Java e 7-të:

Të shtunën:

Tirana – Skënderbeu           ora 13:00

Salla nr. 2, Pallati i Sportit “Asllan Rusi”, Tiranë

Barleti Volej – Vllaznia         ora 15:00

Salla nr. 2, Pallati i Sportit “Asllan Rusi”, Tiranë

Të hënën:

Partizani – Teuta                   ora 18:00

Drejtpërdrejt në Rrjetin e RTSH-së (TVSH 2 & RTSH Sport)

Pallati i Sportit “Asllan Rusi”, Tiranë