Nesër në paradite do të luhet finalja e trofeut, ndërsa kanë qenë pjesëmarrës Skënderbeu, Studenti, Vllaznia dhe Liria e Zherovjanit. Legjendës së sportit të rrjetës juglindore do t’i jepet titulli “Qytetar Nderi”. Dje në Korçë volejbolli shqiptar e ka ngritur siparin e tij për sezonin 2015-2016 me Kupën “Donald Suxho”, volejbollistit të famshëm korçar që ka mbrojtur edhe ngjyrat e Shteteve të Bashkuara të Amerikës.

Në këtë veprimtari kanë marrë pjesë tre skuadra shqiptare, Skënderbeu, Studenti dhe Vllaznia, si dhe ekipi maqedonas i Ilirisë së Zherovjanit. Edhe pse në Korçë nuk ka mbërritur Suxho, ka qenë vetë klubi korçar që ka menduar të zhvillojë këtë kupë me emrin e lojtarit të famshëm. Të katër ekipet kanë startuar dje ditën e parë, teksa u luajtën ndeshjet gjysmëfinale.

Ndërkohë që sot në orën 10:00 pritet të starojë edhe finalja e kësaj kupe. Një aktivitetet dy ditor që do të kulmojë sot me kupën, por në mesditë, rreth orës 12:00, një tjetër e veçantë është se Donald Suxho do të marrë titullin “Qytetar Nderi” nga ana e Bashkisë së Korçës.

Të paktën sipas burimeve pranë kësaj kupe mësohet se Donaldi nuk ka mundur të jetë prezent në këtë aktivitet, ndërkohë që titullin do ta tërheqë mamaja e tij që ndodhet në juglindje.

Kupa “Donal Suxho”

Volejboll – Meshkuj

Gjysmëfinalet

Dje:

Skënderbeu – Iliria e Zherovjanit (Maqedoni)     3-2

(25-17, 25-19, 20-25, 20-25, 15-13)

Studenti – Vllaznia                                                   3-2

(19-25, 25-16, 19-25, 25-21, 15-9)

Finalja

Sot:

Studenti – Skënderbeu                                           (10:00)

Pallati i Sportit “Nikolla Tamara”, Korçë