ASNN – Volejbolli shqiptar po jep shenja jete, sado të pakta që ato mund të duken dhe është Kombëtarja kuqezi e 18-vjeçarëve, ajo që ka kapërcyer dy humbjet në ndeshjet e para, duke marrë një fitore dramatike, por mjaft të vyer, 3-2 ndaj Maqedonisë, duke mbetur në valle për betejën për vendin e 5-të dhe të 6-të Kampionatit Ballkanik të kësaj grupmoshe, që po i zhvillon ndeshjet në kryeqytetin e Turqisë.
Kuqezinjtë janë në grupin A, me Turqinë, Greqinë dhe Maqedoninë. Kombëtarja e Shqipërisë në volejboll për të rinj, që drejtohet nga trajnerët Arben Sako e Dritan Bardhi, e cila ishte mundur të shtunën 0-3 përballë përfaqësueses vendase, në ndeshjen e parë të Grupit A, ka vijuar të mundet të dielën me të njëjtat shifra edhe në takimin e dytë, përballë Greqisë.
Por në takimin e tretë, të zhvilluar sot, Kombëtarja e 18-vjeçarëve ka dëshmuar grintë dhe vendosmëri, në një duel të karakterizuar nga beteja e ashpër nga fillimi deri në fund. Maqedonasit e kanë fituar setin e parë, 25-19, por kuqezinjtë janë kundërpërgjigjur me të njëjtën mënyrë, duke e fituar të dytin me të njëjtat shifra. Por fqinjët lindorë marrin setin e tretë në të njëjtën mënyrë.
Kjo ka bërë që seti i katërt të jetë i luftuar pikë për pikë dhe, në një betejë nervash Shqipëria e merr atë 25-22, duke e çuar ndeshjen në setin e pestë, ku skuadra e Sakos dhe Bardhit fitojnë 15-10 dhe gjithë takimin me rezultatin e përgjithshëm 3-2. Kjo ka bërë që kuqezinjtë të renditen në 3-tët në grupin A, dhe ndërsa Turqia dhe Greqia vazhdojnë më tej në gjysmëfinale, ku do të përballen përkatësisht me Rumaninë dhe Serbinë, Shqipëria do të ndeshet me Bosnjë-Hercegonivën, për vendin e 5-të dhe të 6-të.
Kampionati Ballkanik
i Volejbollit – Të Rinj
(Ankara 2015)
Grupi A
Të shtunën:
Shqipëri – Turqi 0-3
(16-25, 18-25, 22-25)
Greqi – Maqedoni 3-1
(25-17, 25-15, 22-25, 25-18)
Të dielën:
Turqi – Maqedoni 3-1
(25-12, 25-12, 22-25, 25-14)
Shqipëri – Greqi 0-3
(21-25, 23-25, 16-25)
Të hënën:
Maqedoni – Shqipëri 2-3
(25-19, 19-25, 25-19, 22-25, 10-15)
Turqi – Greqi 3-0
(25-15, 25-9, 25-22)
Renditja
Nr. Skuadra N. F. H. Setet Pikë
- Turqia 3 3 0 9-1 9
- Greqia 3 2 1 6-4 6
- Shqipëria 3 1 2 3-8 2
- Maqedonia 3 0 3 4-9 1
Grupi B
Të shtunën:
Serbi – Rumani 3-2
(21-25, 22-25, 27-25, 25-12, 15-13)
Të dielën:
Serbia – Bosnjë-Hercegovinë 3-0
(25-10, 25-15, 25-14)
Të hënën:
Bosnjë-Hercegovinë – Rumani 2-3
(25-22, 25-13, 16-25, 23-25, 9-15)
Renditja
Nr. Skuadra N. F. H. Setet Pikë
- Serbia 2 2 0 5-2 5
- Rumania 2 1 1 5-5 3
- Bosnjë-Hercegovina 2 0 2 2-5 1
Për vendet 5 & 6:
Të martën:
Shqipëri – Bosnjë-Hercegovinë (14:00)
Gjysmëfinalet:
Të martën:
Greqi – Serbi (15:00)
Turqi – Rumania (16:00)
