ASNN – E ndërsa volejbolli në Shqipëri është ende në pritje, në krahun tjetër të kufirit shqiptar, në Kosovë, gjithçka është gati për nisjen. Të shtunën, pra sot, rifillon gara edhe në Superligën e Kosovës në volejboll.

Kampionati i volejbollit në Kosovë ishte ndërprerë për shkak virusit të korona, ndërsa të shtunën e të dielën janë ndeshjet gjysmëfinale të fazës së “play-off”-it. Te meshkujt të dy ndeshjet janë të shtunën.

Duke nisur nga ora 15:00 përballen me njëra-tjetrën Ferizaj dhe Theranda, kurse duke nisur nga ora 18:00, Luboteni ndeshet me Prishtina Volley. Ndërkohë te femrat ndeshja M-Technologie-Drita, luhet të shtunën, duke nisur nga ora 13:30.

Kurse të dielën, duke nisur nga ora 15:00, përballen me njëra-tjetrën Skënderaj dhe e Kastrioti.