Luhen gjysmëfinalet e meshkujve për Kupën e Federatës Shqiptare të Volejbollit dhe Vllaznia e trajnerit Kroqi është dorëzuar në setin final. Tirana ka qenë krejtësisht e panjohur deri në momentin që ka zbritur në parket, sepse përveç Ferhatit, Xhijës, Kasemit dhe Batallit, e gjitha pjesa tjetër e skuadrës është e panjohur. Lojtarë që në pamje të parë nuk ta mbushin mendjen, por që në fund kanë dalë fitues.
Vllaznia e ka fituar mirë dhe mbështetur fort tek Anton Qafarena, apo Gjoklaj, Jukni, Kola, Miloti e Çekini e ka fituar setin e parë 23-25. Kthen Tirana që fiton setin e dytë 25-20. Vllaznia kur ka shpërthyer fort në setin e tretë, që e ka fituar 25-15 duket sikur po shkonte drejt një suksesi 3-1. Por Tirana beson dhe arrin të përmbysë. 25-19 seti i katërt dhe 15-13 seti i pestë e 3-2.
Pikëshënuesi më i mirë i ndeshjes Anton Qafarena i Vllaznisë me 21 pikë, pasuar nga Ferhati i Tiranës me 18 pikë, si dhe Batalli i Tiranës me 13 pikë e Nikolin Qafarena i Vllaznisë me 11 pikë. Në bllok ka dalë fitues Ferhati i Tiranës, Anton Qafarena e Gjoklaj të Vllaznisë, me nga 4 mure fituese secili, si dhe Peçi i Tiranës me 3 mure fituese, kurse në shërbim Gaxini i Tiranës me tre rezultative.
Në total, në 5 sete Tirana ka realizuar 103 pikë prej të cilave 67 pikë vetë, kurse 36 pikë kanë ardhur nga gabimet e Vllaznisë. Ndërkohë Vllaznia në 5 sete ka shënuar 102 pikë prej të cilave 78 pikë vetë, kurse 24 pikë kanë ardhur nga gabimet e Tiranës.
Tirana – Vllaznia 3-2
(23-25, 25-20, 15-25, 25-19, 15-13)
Tirana: Ferhati, Kasëmi (L), Xhija, Peçi, Gega, Gaxini, Sotir / Joanidhi (L), Myrto, Kapidani, Sheldija, Batalli. Trajner: I. Koja
Vllaznia: N. Qafarena, Çekini, A. Qafarena, Gjoklaj, Miloti, Jukni, R. Kola (L) / Lloshi, Kola. Trajner: M. Kroqi
Gjyqtarë: R. Kuka (Vlorë), R. Mujo (Tiranë)
Ndihmës: R. Ekmekçiu (Elbasan), Ç. Kojku (Tiranë)
Kupa e Federatës Shqiptare të Volejbollit
Kalendari i Meshkujve:
Gjysmëfinalet:
24 shtator 2016:
Studenti – Farka Volej 1-3
(25-27, 20-25, 32-30, 22-25)
Tirana – Vllaznia 3-2
(23-25, 25-20, 15-25, 25-19, 15-13)
Finalja
25 shtator 2016:
Farka Volej – Tirana ora 19:00
