ASNN – Ndeshja e djeshme mes Skënderbeut dhe Vllaznisë në volejboll për meshkuj ka pasur një të veçantë të madhe, pasi në shkallët e pallatit të sportit ishin dy tifozë specialë. Bëhet fjalë për Hamdi Salihin dhe Tefik Osmani, teksa të dy kanë bërë tifo për shkodranët dhe e kanë pasur një arsye.

Vjehrri i Hamdi Salihit drejton Vllazninë dhe Osmani ka qenë me shokun e skuadrës. Vllaznia ka fituar pastër dje në Korçë, në një ndeshje të bukur dhe me rivalitet vetëm në setin e dytë të takimit. Për sa i përket setit të parë të ndeshjes, ka qenë rivalizues vetëm në fillim.

Barazimi i vetëm u shënua kur tabela shënonte 9-9, ndërkohë që më pas miqtë shënojnë plot 9 pikë resht duke e çuar rezultatin në 9-18 dhe në fund 16-25 për Vllazninë. Seti i dytë nis me kryesimin e Skënderbeut 5-3. Më pas 10-8, 12-11 kanë qenë disa nga pikët në vazhdim të këtij seti.

Ndërkohë që barazimi i fundit ishte 15-15, pasi miqtë kryesojnë 18-19 dhe përfundimisht  21-25. Seti i tretë dhe i fundit i ndeshjes është thjesht një formalitet, 13-25, duke bërë që Vllaznia të fitojë pastër 3-0 në Korçë dhe të mbetet në grupin e skuadrave që synojnë betejën vendin në “play-off”-in final për titull.

Skënderbeu – Vllaznia        0-3

(16-25, 21-25, 13-25)

Skënderbeu: Haxhillari, Pira, Ndardhari, Toska, Caci, Musaka, Shishi (L), Lumani (L) / Dragoi, Shëllira, Dhimitri, Çerçiz. Trajner: A. Prifti

Vllaznia: Miloti, Çekini, N. Qafarena, Gjoklaj, Drinzai, A. Qafarena, R. Kola (L), Rrashketa (L) / Jukni, K. Kola, Taflaj, Lloshi, Preka. Trajner: M. Kroqi

Gjyqtarë: E. Zenullari, Ko. Gjoka (Tiranë)

Kampionati Kombëtar

i Volejbollit – Meshkuj

Java e 7-të

(11-14 nëntor 2016)

Të premten:

Partizani – Erzeni                3-0

Të shtunën:

Skënderbeu – Vllaznia       0-3

Tirana – Elbasani                3-0

Të hënën:

Farka Volej – Studenti        ora 16:00

Teuta                                      pushim

Renditja

Nr.       Skuadra         N.        F.         H.        Setet               Pikë

1. Partizani        6          6          0          18-1                18
2. Farka Volej    5          4          1          13-5                12
3. Tirana             7          4          3          15-10              12
4. Vllaznia         6          4          2          13-8                12
5. Studenti         5          4          1          12-7                11
6. Erzeni                        6          3          3          12-9                10
7. Skënderbeu  7          1          6            3-19                3
8. Teuta              6          1          5            5-17                2
9. Elbasani        6          0          6            3-18                1