ASNN – Kampionati Kombëtar i Volejbollit për Meshkuj ka luajtur dje dy takime të tjera të javës së tij të 15-të dhe të dyja rezultatet kanë qenë surprizë pasi Tirana ka kapërcyer atë eliminim të papritur përballë Farka Volejit në gjysmëfinalen e Kupës së Shqipërisë, duke mundur në 5 sete Studentin.

Skuadra e trajnerit Arben Sako ka marrë kështu një fitore 3-2 ndaj rivalëve të drejtuar nga homologu Ylli Tomori dhe tashmë janë konfirmuar në vendin e dytë, me 30 pikë, 4 më pak sesa kampionët në fuqi, por 5 më tepër sesa Teuta e vendit të 3-të. Kjo e fundit është treguar zemërgjerë dje, duke u mundur 1-3 në Shkodër nga Vllaznia, rezultat ky që i bën kuqeblutë të sigurt për vendin në “play-off”

Shkodranët kanë 21 pikë dhe duken të paarritshëm nga ringjallja e Farka e Volejti, që luan sot ndaj Elbasanit. Skuadra e trajnerit Dritan Bardhi, e cila ka 13 pikë, ka rezultuar të jetë surpriza e këtij sezoni, pasi, përtej të qenit në vendin e 5-të të renditjes, ka arritur deri në finalen e Kupës së Shqipërisë, ku në çerekfinale mposhti Vllazninë, në gjysmëfinale Tiranën, por u mund në finale nga Studenti.

Kampionati Kombëtar

i Volejbollit – Meshkuj

Java e 15-të

(14-15 shkurt 2015)

Të shtunën:

Vllaznia – Teuta                   3-1

Studenti – Tirana                 2-3

Skënderbeu – pushim

Të dielën:

Farka Volej – Elbasani        (ora 17:00)

Renditja

Nr.       Skuadra         N.        F.         H.        Setet               Pikë

1. Studenti 13        11        2        36-12              34
2. Tirana 13        11        2        34-17              30
3. Teuta 13        8        5        28-20              25
4. Vllaznia 12        7        5        25-17              21
5. Farka Volej 11        4        7        16-23              11
6. Skënderbeu 12        1        11        12-35              5
7. Elbasani 12        1        11        8-35              3