Bardhebluve të Ilo Kojës u ka hasur “sharra në gozhdë” me Vllazninë. Sidomos në momentin që kapiteni Klodian Ferhati nuk ka qenë më për lojë, çka është reflektuar në një rënie dhe paqartësi të ekipit në setin e dytë dhe të tretë. Tirana e ka nisur mirë ndeshjen dhe setin e parë e ka fituar me përmbysje. Nga disavantazh 6-8 për Vllazninë nis kthesa në 16-14, 19-16, 22-19, 23-21 dhe në fund 25-22.
Por vetëm kaq, sepse në setin e dytë ndërrohen kahet, teksa është Vllaznia që bën kthesën me përmbysje. Nga disavantazh 6-8 në 16-12, më pas 17-20, 18-24 dhe në fund 18-25. Seti i tretë ka në fushë një Tiranë të zbehtë, aq sa Vllaznia nuk ka vështirësi për ta fituar atë me një diferencë prej 10 pikësh dhe në fund 25-15 për kuqeblutë. Koja e shkund mirë ekipin, që reagon jo vetëm duke fituar setin e katërt 25-19, por dhe finalen 15-13.
Dhe në fund 3-2 për Tiranën. Pikëshënuesi më i mirë është Anton Qafarena i Vllaznisë me 26 pikë i shoqëruar nga Nikolin Qafarena po i Vllaznisë me 12 pikë. Kurse Ferhati i Tiranës realizoi 10 pikë. Në bllok ka dalë fitues Rrashketa i Vllaznisë me tetë mure fituese i pasuar nga Pepa i Tiranës me pesë. Në shërbim është fitues Pepa i Tiranës me katër të tilla.
Në total Tirana në pesë sete kishte 98 pikë prej të cilave 71 pikë i ka realizuar vetë, kurse 27 pikë kanë ardhur nga gabimet e kuqebluve, me një mesatare 5.4 pikë për set. Në krahun tjetër Vllaznia në pesë sete ka realizuar 106 pikë prej të cilave 76 pikë i ka realizuar vetë, kurse 30 pikë kanë ardhur nga gabimet e Tiranës me një mesatare prej 6 pikësh për set. Parë kështu, edhe kur gabuar shumë, Tirana ka kaluar me vështirë në finale.

Tirana – Vllaznia 3-2
(25-22, 18-25, 15-25, 25-21, 15-13)
Tirana: Xhija, Kula, Pepa, Ferhati, Rama, Xhabrahimi, Kasemi (L) / Batalli, Arapi, Lundra, Kupi, Baruti. Trajner: I. Koja
Vllaznia: Miloti, N. Qafarena, R. Kola (L), K. Kola, Rrashketa, A. Qafarena, Tatar / Jukni, Taflaj. Trajner: A. Kalaja
Gjyqtarë: Ko. Gjoka, T. Zguri (Tiranë)
Ndihmës: R. Ekmekçiu (Elbasan), A. Nurja (Tiranë)

Turneu Ndërkombëtar “Conad”
Volejboll – Meshkuj

Gjysmëfinalet:

Dje:
Tirana – Vllaznia 3-2
(25-22, 18-25, 15-25, 25-21, 15-13)

Studenti – Al Xhazira Sport Klub 2-3
(22-25, 26-24, 18-25, 25-19, 11-15)

Finalja:

Sot:
Tirana – Al Xhazira Sport Klub