ASNN – Kampionia në fuqi, Studenti, dhe Teuta e rikthyer në parket, kanë siguruar nga një biletë për në finalen e Kupës së Federatës në volejboll për meshkuj, në përfundim të dy ndeshjeve gjysmëfinale të zhvilluara dje pasdite në pallatin e sportit “Asllan Rusi” në kryeqytet.
Emocionet nuk munguan edhe në sfidën tjetër, ku herë udhëhiqte Tirana e herë Teuta. Bardheblutë iu afruan fitores në setin e katërt, por durrsakët fitojnë në shtesë dhe më pas dominojnë në setin final. Madje ka befasuar Teuta, e cila ka mundur Tiranën, ndërsa i ka treguar “dhëmbët” që në setin e parë, kur ka fituar 25-13.
Seti i dytë është shumë i luftuar, ndërsa gjithçka është zgjidhur në shtesë nga bardheblutë, të cilët kanë fituar 29-27. Madje kanë marrë zemër, sepse kanë fituar dhe setin e tretë 25-21. Dhe atëherë kur mendohej se Tirana po shkonte drejt një fitoreje 3-1, Teuta ka barazuar në 24-24, 25-25, 26-26 dhe 27-27.
Dhe dy pikët e fundit janë shënuar nga durrsakët. Në setin e pestë, Tirana është e demoralizuar dhe Teuta fiton 15-9 dhe krejt ndeshjen 3-2. Për t’u theksuar fakti se në stolin e Tiranës ishte ulur Ilo Koja në detyrën e trajnerit.
Kupa e 70-vjetorit të
Federatës Shqiptare të Volejbollit
Femra
Gjysmëfinalet
(20 tetor 2015)
Tirana – Partizani 3-0
(25-3, 25-6, 25-3)
Barleti Volej – Teuta 3-0
(25-15, 25-13, 25-16)
Finalja
(22 tetor 2015)
Tirana – Barleti Volej ora 16:00
Meshkuj
Gjysmëfinalet
(21 tetor 2015)
Tirana – Teuta 2-3
(13-25, 29-27, 25-21, 27-29, 9-15)
Studenti – Vllaznia 3-2
(25-20, 25-13, 17-25, 18-25, 16-14)
Finalja
(22 tetor 2015)
Teuta-Studenti ora 18:00
