Përtej dëshirës për të kaluar një tur, tanët nuk bëjnë më shumë se ç’kanë takatin. Spektakël para dhe gjatë ndeshjes midis Studentit dhe miqve, por në parket kanë dominuar hungarezët e Kaposvarit. Fillimi i setit të parë është i ekuilibruar, aq sa në pushimin e parë teknik, Fino Kaposvar është në epërsi të një pike, 7-8.
Në pushimin e dytë teknik Studenti ka kaluar në epërsi 16-15. Më pas 18-16 dhe pas dy barazime 20-20 dhe 21-21, Fino Kaposvar merr avantazhin, duke e mbyllur setin e parë 25-22. Në të dytin, edhe falë një shkundjeje që i ka bërë trajneri Tomorri të tijve, Studenti është gjithnjë në epërsi: 8-7, 16-13, 21-19, 23-22 dhe në fund 25-23.
Por vetëm kaq. Fino Kaposvar e ka nisur vrullshëm setin e tretë 0-4, 4-8, 9-16, 12-16, 12-18 dhe 17-25. E njëjta situatë dhe në setin e katërt, ndërsa Suxho, atëherë kur dhe Tomorri e ka parë që nuk mund të bëjë dot gjë, është ulur në stol. Fino Kaposvar ka fituar thellësisht 25-9 dhe krejt ndeshjen 3-1 dhe me shumë meritë është në raundin tjetër të “Challenge Cup”.
Studenti – Fino Kaposvar 1-3
(22-25, 25-23, 17-25, 9-25)
Studenti: Rrashketa, Malaj, Qerraxhija, Gorenxa (L), Troka, Suxho, Milev / Tukseferi, Memia, Kasa, Kono. Trajner: Y. Tomorri
Fino Kaposvar: Zabo, Bozoki, Juhas, Magiar, Bagiks, Deak (L), Nemet / Tot, Rasa, Vajda. Trajner: G. Demeter
Gjyqtarë: M. Demirderlen (Turqi), J. Joanidis (Greqi)
