ASNN – Studenti “kampion” rrezikoi shumë ndaj Vllaznisë, teksa pas epërsisë të dyfishtë pa rikuperimin e ekipit shkodran, që barazoi 2-2 setet. Dramaticitet dhe emocione edhe në setin final, ku kryeqytetasit fitojnë 16-14 në pikët shtesë.

Kampionët në fuqi duket sikur kishin një ndeshje të lehtë, sepse kanë kryesuar deri në 2-0, teksa i kanë fituar setet 25-20, 25-13. Këtu nis kthesa e shkodranëve, që i fitojnë setet 17-25, 18-25.

Dhe seti i pestë është pikë më pikë, që është zgjidhur nga Studenti në pikët e fundit 16-14. Për dijeni të lexuesit, Teuta e Studenti për herë të fundit në finalen e Kupës së Federatës janë ndeshur më 2012-ën dhe pat fituar skuadra durrsake, 3-1.

Tashmë pritet që të ketë shumë emocion si finalja e femrave mes Barletit Volej dhe Tiranës, që do të luhet duke nisur nga ora 16:00, ashtu dhe Teuta e Studenti për meshkuj, që do të luhet duke nisur nga ora 18:00.

Kupa e 70-vjetorit të

Federatës Shqiptare të Volejbollit

Femra

Gjysmëfinalet

(20 tetor 2015)

Tirana – Partizani                3-0

(25-3, 25-6, 25-3)

Barleti Volej – Teuta            3-0

(25-15, 25-13, 25-16)

Finalja

(22 tetor 2015)

Tirana – Barleti Volej            ora 16:00

Meshkuj

Gjysmëfinalet

(21 tetor 2015)

Tirana – Teuta                      2-3

(13-25, 29-27, 25-21, 27-29, 9-15)

Studenti – Vllaznia  3-2

(25-20, 25-13, 17-25, 18-25, 16-14)

Finalja

(22 tetor 2015)

Teuta-Studenti                     ora 18:00