ASNN – Ndeshjet e Kupës së 70-vjetorit të Federatës Shqiptare të volejbollit për meshkuj kanë qenë më cilësore, më spektakolare dhe shumë më të bukura se ato të femrave. Sepse në të dy gjysmëfinalet fituesit kanë dalë me set finale.

Kështu, Studenti dhe Teuta kanë siguruar nga një biletë për në finalen e Kupës së Federatës në volejboll për meshkuj, në përfundim të dy ndeshjeve gjysmëfinale të luajtura sot pasdite në pallatin e sportit “Asllan Rusi” në kryeqytet.

Të dyja takimët kanë qenë të bukura dhe emocionuese dhe të dyja sfidat u përcaktuan në setin final, çka tregon se rivaliteti ka qenë i madh dhe se këtë sezon do të jenë disa ekipe pretendente për titull.

Studenti shpërdoroi ndaj Vllaznisë, duke i lejuar shkodranët të barazojnë setet në 2-2, përpara se të fitonte setin final. Emocionet nuk munguan edhe në sfidën tjetër, ku herë udhëhiqte Tirana e herë Teuta, e cila në fund fiton 3-2.

Nesër, në ora 18:00, në Pallatin e Sportit “Asllan Rusi” në kryeqytet, do të luhet finalja e meshkujve, ndërkohë që më herët, në orën 16:00 do të luhet finalja e femrave midis Barleti Vollejit dhe Tiranës.

Kupa e 70-vjetorit të

Federatës Shqiptare të Volejbollit

Femra

Gjysmëfinalet

(20 tetor 2015)

Tirana – Partizani                3-0

(25-3, 25-6, 25-3)

Barleti Volej – Teuta            3-0

(25-15, 25-13, 25-16)

Finalja

(22 tetor 2015)

Tirana – Barleti Volej            ora 16:00

Meshkuj

Gjysmëfinalet

(21 tetor 2015)

Tirana – Teuta                      2-3

(13-25, 29-27, 25-21, 27-29, 9-15)

Studenti – Vllaznia  3-2

(25-20, 25-13, 17-25, 18-25, 16-14)

Finalja

(22 tetor 2015)

Teuta-Studenti                     ora 18:00