ASNN – Studenti në volejboll për meshkuj ka arritur një fitore të lehtë dhe të pastër 3-0 në pallatin e sportit “Tamara Nikolla” mesditën e djeshme ndaj Skënderbeut vendës. Gjatë gjithë këtij sezoni, me skuadrat që ndodhen në pjesën e sipërme të tabelës së klasifikimit, Skënderbeu asnjëherë nuk ka mundur të bëjë rezistencë.
Një gjë e tillë ndodhi edhe dje, teksa seti i parë fillon me shifrat 2-6, 5-12 dhe më pas kryeqytetasi fillojnë shkëputjen duke mbyllur setin thellësisht 10-25. Seti i dytë duket sikur ka rivalitet deri nga pika e 13-të. 2-2 dhe 4-4 do të ishin dy barazimet e vetme të këtij seti, ndërkohë që më pas Studenti fillon të shkëputet gradualisht.
11-14 dhe 15-20 dhe mbyll edhe këtë set në favorin e vet 18-25. Seti i tretë dhe i fundit i ndeshjes fillon sërish me barazime deri te pika e 8-të dhe më pas miqtë fillojnë të kryesojnë me nga një pikë diferencë deri te pika e 15-të. Më pas, djemtë e Ylli Tomorit tregohen më të saktë dhe e mbyllin setin 19-25 dhe krejt ndeshjen 0-3 në favorin e tyre.
Skënderbeu – Studenti 0-3
(10-25, 18-25, 19-25)
Skënderbeu: Haxhillari, Ndardhari, Caci, Musaka, Jatagani, Pira, Shishi (L) / Dhimitri, Lumani, Beqiraj, Meta, Çerçiz. Trajner: A. Prifti
Studenti: Malaj, Cali, L. Martiro, Ivanov, Troka, Kono, Gorenxa (L) / Kasa, Tukseferi, Qeraxhija, K. Martiro, Sotir. Trajner: Y. Tomorri
Gjyqtarë: K. Husi, V. Sojati (Tiranë)
Kampionati Kombëtar
i Volejbollit – Meshkuj
Java e 21-të
(9 prill 2016)
Farka Volej – Tirana 1-3
Elbasani – Teuta 3-0
Skënderbeu – Studenti 0-3
Vllaznia pushim
Renditja
Nr. Skuadra N F H Setet Pikë
- Studenti 18 14 4 46-21 41
- Vllaznia 18 14 4 46-25 40
- Tirana 18 11 7 42-24 37
- Farka Volej 18 11 7 39-27 32
- Teuta 18 9 9 35-36 25
- Skënderbeu 18 3 15 12-46 9
- Elbasani 18 1 17 10-51 5
