U çlirua dhe Studenti, ndërsa kampionët në fuqi të volejbollit për meshkuj janë bërë mbrëmë fituesit e Kupës së Flamurit. Një ndeshje e ekuilibruar, veçanërisht në setin e dytë dhe të tretë, të cilët Studenti i ka fituar me vështirësi. Në të parin është gjithnjë në avantazh 9-4, 12-8, 15-8, 23-15 dhe në fund 25-16. Në të dytin, Tirana e ka nisur mirë deri në pushimin teknik, teksa ka kryesuar 11-12. Por ka kthyer Studenti, që përsëri ka kërkuar në fushë përvojën e kapitenit Tukseferi. 14-12, 20-17, 20-18 dhe në fund 25-20.

Ka dhe momente debati mes Tukseferit dhe kryesorit Telo, ashtu sikurse e njëjta gjë ka ndodhur dhe me Ferhatin e Tiranës. Të dy janë ndëshkuar me kartonë të verdhë. Por në të tretin Ferhati ka marrë të verdhën e dytë, që është kthyer automatikisht në të kuqe. Barazim 5-5, por në shërbim Tukseferi i ka rënë rrjetës dhe Tirana merr avantazhin, të cilin e mban deri në 11-13. Studenti ka kthyer në 17-15. Barazim 18-18 dhe Tirana është përsëri në avantazh 20-21.

Megjithatë Studenti ia ka dalë ta marrë këtë set 25-23 dhe krejt ndeshjen 3-0. Pikëshënuesi më i mirë i ndeshjes Troka i Studentit me 20 pikë, pasuar nga Ferhati i Tiranës me 13 pikë. Në bllok kanë dalë fitues me nga tre mure të forta secili Malaj e Troka të Studentit, kurse në shërbim me nga 1 të saktë Rrashketa, Qerraxhija, Troka të Studentit, si dhe Pepaj, G. Lundra e Xhabrahimi. Studenti ka realizuar 75 pikë, prej të cilave 59 vetë, kurse 16 kanë ardhur nga gabimet e Tiranës.

Në krahun tjetër Tirana ka realizuar në tre sete 59 pikë, prej të cilave 35 vetë, kurse 24 kanë ardhur nga gabimet e Studentit. Në fund kupën kapitenit Tukseferi ia ka dorëzuar mjeshtëri i rrjetës shqiptare, Vangjel Koja.

Studenti – Tirana      3-0

(25-16, 25-20, 25-23)

Studenti: Rrashketa, Qerraxhija, Malaj, Troka, Kono, Gorenxa (L) / Tukseferi, Muça, K. Martiro. Trajner: Y. Tomorri

Tirana: Ferhati, A. Lundra, Gega, Pepaj, G. Lundra, Xhija, Kola (L) / Xhabrahimi, Rama, Kupi, Ndoni. Trajner: A. Sako

Gjyqtarë: A. Telo, T. Zguri (Tiranë)

Kupa e Flamurit

Volejboll – Meshkuj

Gjysmëfinalet

26 nëntor 2014:

Studenti – Teuta                  3-0

Tirana – Vllaznia                  3-2

 Finalja      

27 nëntor 2014:

Studenti – Tirana                  3-0