Studenti ka arritur fitoren e katërt radhazi në fazën e dytë të volejbollit të meshkujve, ndërsa dje “viktimë” e kampionëve në fuqi ka qenë Farka Volej. Përtej fillimit të mirë të Farkës, që në dy pushimet teknike të setit të parë ka qenë në epërsi, 7-8 dhe 14-16, Studenti kthen. Me praninë e veteranit Tukseferi në fushë, kampionët kthejnë në rezultat 18-17, 21-19, 23-21 dhe në fund 25-21.
Në setin e dytë, Studenti nuk lëshon më 8-4, 13-8, 16-8 dhe 25-14. Në të tretin me Tukseferin në fushë, nga fillimi deri në fund, Studenti nuk ka më shqetësime 8-6, 10-6, 16-11 dhe 25-17 dhe 3-0. Pikëshënuesi më i mirë i ndeshjes ishte Vuldjev me 13 pikë, i ndjekur nga Qepa i Farka Volejit, me 11 pikë. Në bllok ka dalë fitues Troka dhe Ivanov të Studentit me nga 3 të saktë, kurse Bajrami i Farkës është më i miri po me 3 mure fituese.
Në shërbim me nga një të saktë janë fitues Memia i Studentit, Nimani dhe Koçi të Farkës. Në total, në 3 sete Studenti ka shënuar 75 pikë prej të cilave 54 vetë, kurse 21 pikë kanë ardhur nga gabimet e Farka Volejit. Në krahun tjetër Farka Volej ka shënuar në tre sete 52 pikë prej të cilave 38 pikë vetë, kurse 14 pikë kanë ardhur nga gabimet e Studentit. Përgjithësisht një ndeshje shumë e mirë e Studentit.
Studenti – Farka Volej 3-0
(25-21, 25-14, 25-17)
Studenti: Çali, Kasa, Malaj, Troka, Vuldijev, Ivanov, Muça (L) / Tukseferi, Memia Trajner: Y. Tomori
Farka Volej: Deliu, Metani, Qepa, Nimani, Koçi, Bajrami, Bërdufi (L) / Hotaj, Vllaçaj, Doka. Trajner: D. Bardhi
Gjyqtarë: Ko. Gjoka, I. Fështi (Tiranë)
Ndihmës: E. Papamihali, A. Brokaj (Tiranë)
Kampionati Kombëtar
i Volejbollit – Meshkuj
Java e 12-të
(27 shkurt 2016)
Teuta – Vllaznia 0-3
Studenti – Farka Volej 3-0
Skënderbeu – Elbasani 3-1
Renditja
Nr. Skuadra N. F. H. Setet Pikë
- Vllaznia 11 8 3 26-15 24
- Studenti 10 8 2 26-12 22
- Tirana 10 7 3 24-11 22
- Teuta 10 6 4 22-19 17
- Farka Volej 10 5 5 19-17 15
- Skënderbeu 11 2 9 8-28 6
- Elbasani 10 0 10 7-30 2
