Studenti ka hequr keq për të mundur Elbasanin dje pasdite në sallën Nr. 2 të Pallatit të Sportit “Asllan Rusi”. Madje ndeshja ka nisur edhe me keqkuptime mes Konos dhe Agushit në fund të nxehjes, por ndërhyrja e të dy palëve ka shmangur gjithçka. Ndërkohë fillimi i mbarë i ndeshjes për Studentin, që dje është drejtuar nga Elton Tukseferi në mungesë të trajnerit Ylli Tomori, që ka kryesuar vazhdimisht në setin e pafre 8-4, 16-8, 20-11 dhe në fund 25-11.
E gjithë kjo paraqitje në setin e parë të krijon përshtypjen se do të jetë e lehtë fitorja e Studentit. Por nuk ndodh kështu. Elbasani me Kallajxhiun në organizim, Çullhajin, Agushin e Çetën arrin që pas pushimit të dytë teknik 14-16 të jetë në epërsi të vazhdueshëm derisa e ka marrë setin 25-19. Pas shkundjes së fortë që lojtari/trajner Tukseferi u ka bërë të tijve, Studenti e nis furishëm setin e tretë. 5-0, 8-1, 16-10 dhe në fund 25-16.
I katërti është i ekuilibruar me dëshirën e Studentit për të mbyllur ndeshjen, por dhe të Elbasanit për ta çuar në finale. Miqtë kryesojnë 5-8, 14-16, 15-17. Dhe këtu është detyruar Tukseferi që të hyjë në fushën e lojës që situata të kthehet. E kështu ka ndodhur. Përmbysje në 21-19 dhe në fund 25-22 dhe 3-1 për Studentin, që merr një fitore jo aq të lehtë sa ç’u duk ne letër.
Studenti – Elbasani 3-1
(25-11, 19-25, 25-16, 25-22)
Studenti: Muça (L), Kono, Qerraxhia, Çali, L.Martiro, Malaj, Sotiri / Tukseferi, K. Martiro, Gorenxa (L), Kasa Trajner: E. Tukseferi
Elbasani: Gashi (L), Agushi, Tollumi, Daka, Kallajxhiu, Çullhaj, Çeta / Bakiri. Trajner: F.Lushnjari
Gjyqtarë: R. Omari, Ç. Kojku (Tiranë)
Kampionati Kombëtar
i Volejbollit – Meshkuj
Java e 6-të
(5 dhjetor 2015)
Studenti – Elbasani 3-1
Teuta – Farka Volej 3-2
Tirana – Vllaznia 3-0
Skënderbeu – pushim
Renditja
Nr. Skuadra N. F. H. Setet Pikë
- Tirana 5 4 1 13-5 12
- Farka Volej 4 3 1 11-3 10
- Vllaznia 6 4 2 12-10 10
- Teuta 5 3 2 11-9 9
- Studenti 4 2 2 8-7 6
- Skënderbeu 5 1 4 4-12 3
- Elbasani 5 0 5 2-15 0
