Në ndeshjen e parë, atë mes Studentit dhe Tirana Volej Team, trajneri Tomori jo vetëm që nuk ka pasur nevojë për të kërkuar pushime për të tijtë, por gjatë gjithë ndeshjes ka qëndruar ulur. E më tej akoma, skuadra nuk ka pasur nevojë as për kapitenin Tukseferi e as për liberon Gorenxa, sikurse nuk ka pasur nevojë për dy bullgarët e ardhur në tregun e lëvizjeve të volejbollistëve në dimër.
Për t’i dhënë mundësi aktivizimi më shumë, Tomorri e kishte çuar tek të rinjtë e Tirana Volej Team, Kristi Martiron, që duket se ka qenë pak për skuadrën e Albion Hajdarit. Shifrat e seteve flasin vetë për diferencat e mëdha të skuadrave, teksa kanë përfunduar 25-14, 25-14 dhe 25-13. Pikëshënuesi më i mirë i ndeshjes ka qenë Qerraxhija me 12 pikë, po aq sa ka shënuar dhe Martiro i Tirana Volej Team.
Në bllok ka dalë fitues Rrashketa më gjashtë mure fituese, kurse në shërbim Qerraxhija e Memia me nga tre të tilla, Madje ajo që tregon supremacinë e Studentit është dhe fakti se nuk ka dhuruar shumë pikë të falura, duke qenë më shumë se e saktë në sulmet e saj.
Sepse në total Tirana Volej Team ka shënuar 31 pikë, prej të cilave 27 vetë dhe 4 kanë ardhur nga gabimet e kampionëve. Kurse Studenti në tre sete ka realizuar 75 pikë, prej të cilave 56 vetë e 19 kanë ardhur nga gabimet e bluve të Hajdarit. Në përfundim një 3-0 shumë e shpejtë për Studentin, që e ka bërë mirë detyrën e vet.
Studenti – Tirana Volej Team 3-0
(25-14, 25-14, 25-13)
Studenti: Çali, Rrashketa, Qerraxhija, Kasa, Memia, Malaj, Muça (L) / Damainov Trajner: Y. Tomorri
Tirana Volej Team: Martiro, Kupi, Shehu, Baruti, Seferi (L), Bici, Kapidani / Myrta, Sheldia, Dushku (L), Dibra. Trajner: A. Hajdari
Gjyqtarë: V. Sojati, E. Papamihali (Tiranë)
Kupa e Shqipërisë
Volejboll – Meshkuj
Kalendari i turit çerekfinal:
Grupi A
Renditja
Nr. Skuadra N. F. H. Setet Pikë
- Studenti 1 1 0 3-0 3
- Farka Volej 1 1 0 3-0 3
- Tirana Volej 1 0 1 0-3 0
- Vllaznia 1 0 1 0-3 0
Dita e parë
(29 janar 2015)
Studenti – Tirana Volej 3-0
Farka Volej – Vllaznia 3-0
Dita e dytë
(30 janar 2015)
Farka Volej – Tirana Volej ora 16:00
Studenti – Vllaznia ora 18:00
Dita e tretë
(31 janar 2015)
Tirana Volej – Vllaznia ora 16:00
Studenti – Farka Volej ora 18:00
Grupi B
Renditja
Nr. Skuadra N. F. H. Setet Pikë
- Teuta 1 1 0 3-0 3
- Tirana 1 1 0 3-1 3
- Elbasani 1 0 1 1-3 0
- Skënderbeu 1 0 1 0-3 0
Dita e parë
(29 janar 2015)
Tirana – Elbasani 3-1
Teuta – Skënderbeu 3-0
Dita e dytë
(30 janar 2015)
Elbasani – Skënderbeu ora 16:00
Tirana – Teuta ora 18:00
Dita e tretë
(31 janar 2015)
Tirana – Skënderbeu ora 15:00
Teuta – Elbasani ora 17:00
