ASNN – Skuadra e drejtuar nga Ylli Tomorri nga disavantazhi 0-2 e kthen gjithçka në favorin e vet në 3-2 duke merituar trofeun, të cilin e ka fituar për herë të 16-të, si dhe për herë të 7-të radhazi. Ndonëse ka startuar që në orën 17:00 me përballjen Vllaznia-Tirana e vlefshme për vendet 3-4, finalja e Kupës së Shqipërisë, Studenti-Teuta, ka qenë në qendër të vëmendjes së të gjithëve.
E programuar nga organizatorët për të filluar në orën 19:00, ndeshja finale e Kupës së Shqipërisë është spostuar për rreth një orë më pas pasi për të përcaktuar ekipin fitues të çiftit të Vllaznia-Tirana janë dashur të luhen plot pesë sete. Në fund, pas një luftë të fortë sportive kuqeblutë e drejtuar nga trajneri Artan Kalaja, kanë fituar me rezultatin 3-2 duke u mjaftuar me vetëm vendin e tretë.
Një sfidë që për hir të së vërtetës duhet pranuar se u shoqërua me shumë emocione. Pa as më të voglin ngurrim duhet thënë se bukurinë këtyre finaleve ia dha skuadra bregdetare, e cila, edhe pse e ashtuquajtur në disnivel me skuadrat e tjera pjesëmarrëse, sidomos me Vllazninë dhe Studentin, favoritë edhe për titullin “kampion”, ishte tejet simpatike në fushën e lojës.
Pavarsisht se Teuta i fiton dy setet e para dhe është shumë pranë fitores së setit të tretë dhe gjithë finales, Studenti përmbys gjithçka dhe fiton 3 setet e tjera, duke u shpallur fitues për herë të 16-të i Kupës së Shqipërisë. Në ceremoninë e dorëzimit të kupës për Studentin fitues kanë qenë të pranishëm presidenti i Federatës Shqiptare të Volejbollit, Erlind Pëllumbi dhe Sekretari i Përgjithshëm, Albens Vokopola.
Po kështu ka qenë edhe presidenti i Komitetit Olimpik Kombëtar Shqiptar, Viron Bezhani; Drejtori i Sporteve në Ministrinë e Arsimit dhe Sportit, Vladimir Gjonaj, dhe shefi i klubit shumësportësh “Vllaznia”, Mark Krroqi. Por gjithashtu ka qenë edhe Presidenti i Federatës së Volejbollit të Kosovës, Abedin Ibrahimi. Kupën kapitenit të Studentit, Elton Tukseferi, ia ka dorëzuar presidenti i volejbollit shqiptar, Erlind Pëllumbi.
Vllaznia – Tirana 3-2
(25-20, 25-22, 23-25-20-25, 15-10)
Vllaznia: Miloti, Rrashketa, N. Qafarena, Jukni, A. Qafarena, K. Kola, R. Kola / Tatar, Çekini, Taflaj, Preka, Gjoklaj. Trajner: A. Kalaja
Tirana: Ferhati, Pepa, Rama, Xhija, Xhabrahimi, Kula, Kasemi (L) / Batalli, Lundra, Arapi, Baruti. Trajner: I. Koja
Gjyqtarë: E. Zenullari, T. Zguri (Tiranë)
Kupa e Shqipërisë
Volejboll – Meshkuj
Kalendari i fazës finale:
(9-10 mars 2016)
Gjysmëfinalet:
Të mërkurën:
Vllaznia – Teuta 2-3
Tirana – Studenti 1-3
Të enjten:
Për vendet 3-4:
Vllaznia – Tirana 3-2
Finalja:
Teuta – Studenti 2-3
Kupës së Shqipërisë
Volejboll – Femra
Kalendari i fazës finale:
(11-12 mars 2016)
Të premten:
Barleti Volej – Vllaznia ora 17:00
Tirana – Teuta ora 19:00
Të shtunën:
Për vendet 3-4 ora 17:00
Për vendet 1-2 ora 19:00
