ASNN – Studenti i Altin Demit dhe Agim Rekës ka kryer formalitetin, ndërsa ka mundur pastër Teutën, 3-0. Një ndeshje në të cilën Demi dhe Reka kanë pasur mundësi për të parë dhe lojtarët e stolit e në një farë mënyre Myrta, Bici, Gorenca, Martini, krahas titullarëve të formacionit, nuk është se kanë luajtur keq. Një ndeshje e dominuar totalisht prej tyre, ndërsa setet janë fituar 25-23, 25-12, 25-16.
Pikëshënuesi më i mirë i ndeshjes është Gjeçi i Teutës, me 9 pikë, i ndjekur nga Xhabrahimi i Studentit me 8 pikë, si dhe Gorenca i Studentit, me 6 pikë. Në bllok kanë dalë fitues Kupi dhe Bajrami të Studentit, me nga 3 mure fituese, të pasuar nga Myrta i Studentit dhe Bardhi i Teutës, me nga dy mure fituese secili. Në shërbim, ka triumfuar Xhabrahimi me 4 rezultativë, i ndjekur nga Kupi i Studentit me 3 të tillë.
Në total, në 3 sete, Studenti ka shënuar 75 pikë, prej të cilave 59 pikë vetë, kurse 16 pikë kanë ardhur nga gabimet e durrsakëve. Në anën tjetër, në 3 sete, Teuta ka shënuar 51 pikë në total, prej të cilave 26 pikë vetë, kurse 25 pikë, që do të thotë një set, janë të falur nga Studenti. Gjë që nuk e bën normale fitoren e Studentit, që ka triumfuar duke gabuar…
Studenti – Teuta 3-0
(25-23, 25-12, 25-16)
Studenti: Xhabrahimi, Kupi, Baruti, Bajrami, Bici, Pirra, Myrta, Muça (L), Kola (L) / Rama, Gorenca, Martini. Trajner: A. Demi
Teuta: Bardhi, Kolea, Jazenxhi, Gjeçi, Masha, Macaj (L), Selfo / Biduli, Xhafa, Shaba. Trajner: L. Marangoni
Gjyqtarë: R. Kuka (Vlorë), E. Preka (Tiranë)
Kampionati Kombëtar
i Volejbollit – Meshkuj
Java e 14-të
(10 mars 2018)
Skënderbeu – Erzeni 0-3
Vllaznia – Elbasani 3-0
Partizani – Tirana 3-0
Studenti – Teuta 3-0
Farka Volej pushim
Renditja
Nr. Skuadra N. F. H. Setet Pikë
- Partizani 13 12 1 37-9 36
- Erzeni 12 10 2 33-9 31
- Studenti 13 10 3 33-16 28
- Tirana 13 8 5 29-21 24
- Vllaznia 12 5 7 19-21 16
- Skënderbeu 12 5 7 17-22 15
- Farka Volej 12 4 8 18-26 12
- Elbasani 12 2 10 6-31 6
- Teuta 13 0 13 2-39 0
