Studenti është në vendin e tretë në turneun “Conad”, ndërsa dje pasdite në Sallën Sportive “Fahrie Hoti” ka mundur Vllazninë, një rivale e cila e ka bërë të vuajë këtë ekip në pjesën e parë të sezonit. Nëse në Kupën e Federatës Shqiptare të Volejbollit, Studenti ka fituar me vështirësi 3-2, në kampionat dhe më pas edhe në gjysmëfinalet e Kupëss ka qenë fituese Vllaznia, 1-3 dhe 2-3.

Por tashmë ka ndryshuar gjithçka, sepse kampionët në fuqi edhe duke pasur një lojtar si Troka, apo dhe bullgarin Vuldjev, ia kanë dalë të jenë fitues dje pastër 3-0. Në fakt duket se ka qenë një Vllazni në një ditë jo të mirë, për më tepër Qafarena i madh. Janë munduar si Anton Qafarena, ashtu Kola, por duket se ka qenë pak për të mundur dje Studentin që i ka fituar setet 25-21, 25-23, 25-19 dhe krejt ndeshjen 3-0.

Pikëshënuesit më të mirë të ndeshjes kanë qenë Troka i Studentt dhe Anton Qafarena i Vllaznisë me 16 pikë. Në bllok ka dalë fitues Çali i Studentit me tre mure fituese, i pasuar nga Rrashketa i Vllaznisë me dy të tilla. Kurse në shërbim absolut Arbër Troka me shtatë rezultative. Në total Studenti ka shënuar 75 pikë prej të cilave 51 vetë, kurse 24 pikë kanë ardhur nga gabimet e Vllaznisë.

Në krahun tjetër Vllaznia në tre sete realizoi 63 pikë prej të cilave 43 pikë vetë, kurse 20 pikë kanë ardhur nga gabimet e kampionëve, që e kanë merituar vendin e tretë në trofeun “Konad”.

Studenti – Vllaznia               3-0

(25-21, 25-23, 25-19)

Studenti: Troka, Gorenxa (L), Vuldjev, Qerraxhija, Çali, Malaj, Memia / Tukseferi, Kasa, L. Martiro, K. Martiro. Trajner: Y. Tomorri

Vllaznia: Tatar, Rrashketa, N. Qafarena, A. Qafarena, Miloti, K. Kola, R. Kola (L) / Jukni, Çekini, Taflaj. Trajner: A. Kalaja

Gjyqtarë: R. Omari, K. Husi (Tiranë)

Ndihmës: A. Nurja, A. Brokaj (Tiranë)

Turneu Ndërkombëtar “Conad”

Volejboll – Meshkuj

Gjysmëfinalet:

Të premten:

Tirana – Vllaznia                              3-2

(25-22, 18-25, 15-25, 25-21, 15-13)

Studenti – Al Xhazira Sport Klub  2-3

(22-25, 26-24, 18-25, 25-19, 11-15)

Për vendet 3-4:

Të shtunën:

Studenti – Vllaznia                           3-0

(25-21, 25-23, 25-19)

Finalja:

Të shtunën:

Tirana – Al Xhazira Sport Klub       3-0

(21-25, 20-25, 21-25)