ASNN – Ndeshje e bukur, me ritëm, e luftuar deri në fund dhe që mbyllet me fitoren e Skënderbeun ndaj Elbasanit në javën e 12-të të Kampionatit Kombëtar të Volejbollit për Meshkuj. Ka qenë një “derbi” mes dy vendeve të fundit të kampionatit të volejbollit, teksa Skënderbeu, pas ditës së djeshme, ka vijuar të lerë pas vetes elbasanasit që mbyllin tabelën e renditje.
Setet kanë qenë të luftuar, teksa duhet theksuar se në setin e parë janë miqtë nga Elbasani që përpiqen të kryesojnë deri në pikën e 10-të, por që korçarët ndodhen vetëm 1-2 pikë larg. Pas pikës së 20-të, Skënderbeu tregohet më i saktë dhe mbyll setin e parë 25-22. I dyti është thuajse i njëjti më të parin, por që gjithsesi zgjidhet nga miqtë në fund që fitojnë 20-25 dhe rezultati shkon në 1-1.
Seti i tretë sërish flet për korçarët që në momentet më delikate tregohen më të saktë në parket dhe e fitojnë 25-20, duke çuar shifrat në 2-1. Seti i katërt dhe i fundit i ndeshjes diktohet vazhdimisht nga vendësit dhe fitohet lehtësisht nga vendësit 25-17. Si përfundim 3-1 për Skënderbeun që drejtohet nga trajneri Arben Prifti, duke shijuar në këtë mënyrë një trepikësh që vetëm sa fundos Elbasanin në fund.
Skënderbeu – Elbasani 3-1
(25-22, 20-25, 25-20, 25-17)
Skënderbeu: Haxhillari, Sejati, Caci, Ndardhari, Pira, Musaka, Shishi (L) / Dhimitri, Shëllira, Beqiraj, Limani, Jatagani. Trajner: A. Prifti
Elbasani: Çeta, Kallajxhiu, Çullhaj, Agushi, Daka, Gashi (L) / Biba, Bakiri. Trajner: F. Lushnjari
Gjyqtarë: E. Zenullari, R. Mujo (Tiranë)
Kampionati Kombëtar
i Volejbollit – Meshkuj
Java e 12-të
(27 shkurt 2016)
Teuta – Vllaznia 0-3
Studenti – Farka Volej 3-0
Skënderbeu – Elbasani 3-1
Renditja
Nr. Skuadra N. F. H. Setet Pikë
- Vllaznia 11 8 3 26-15 24
- Studenti 10 8 2 26-12 22
- Tirana 10 7 3 24-11 22
- Teuta 10 6 4 22-19 17
- Farka Volej 10 5 5 19-17 15
- Skënderbeu 11 2 9 8-28 6
- Elbasani 10 0 10 7-30 2
