ASNN – Partizani në volejboll për meshkuj jo vetëm që ka ruajtur të pacenuar kreun, por shumë thjeshtë e pastër ia ka dalë të jetë fitues ndaj Farka Volej. Për skuadrën e Bardhit ka qenë shumë pak Osman Qepa, ndërsa të kuqtë tashmë janë pa malazezin Vuk Medenica, që duket se nuk mund t’iu bëjë punë për objektivat që kanë.
Partizani e ka kryesuar vazhdimisht lojën, ndërsa ka fituar në harkun e një ore me shifrat 3-0. 16-25 seti i parë, 18-25 seti i dytë dhe 12-25 seti i tretë. Pikëshënuesi më i mirë i ndeshjes është Osman Qepa i Farka Volejit, me 15 pikë, i ndjekur nga Arbër Troka i Partizanit me 9 pikë.
Në bllok, ka dalë fitues Xhajkone i Farka Volejit me 4 mure fituese, ndjekur nga Troka i Partizanit me 3 të tilla. Në shërbim, është fitues Troka i Partizanit me 5 rezultativë. Në total, në 3 sete, Farka Voleji ka shënuar 46 pikë, prej të cilave 31 pikë vetë, kurse 15 pikë kanë ardhur nga gabimet e Partizanit.
Në krahun tjetër, në 3 sete, Partizani ka shënuar 75 pikë, prej të cilave 57 pikë vetë, kurse 18 pikë kanë ardhur nga gabimet e Farka Voleji. Ndaj dhe Partizani ka fituar dje thjeshtë e pastër…
Farka Volej – Partizani 0-3
(16-25, 18-25, 12-25)
Farka Volej: Qepa, Doda, Topçiu (L), Xhajkone, Deliu, Metani, Sejati / Spahiu, Murraku, Ismailaj, Alku, Balla. Trajner: D. Bardhi
Partizani: Muça (L), Kono, Çali, Troka, Malaj, Pepaj, Milosavljeviç / K. Martiro, L. Martiro, Mimani, Kasa, Qerraxhija, Bakiri. Trajner: Y. Tomori
Gjyqtarë: E. Preka, V. Sojati (Tiranë)
Kampionati Kombëtar
i Volejbollit – Meshkuj
Java e 13-të
(24 shkurt 2018)
Teuta – Skënderbeu 0-3
Erzeni – Vllaznia 3-0
Farka Volej – Partizani 0-3
Tirana – Studenti 2-3
Elbasani pushim
Renditja
Nr. Skuadra N. F. H. Setet Pikë
- Partizani 12 11 1 34-9 33
- Erzeni 11 9 2 30-9 28
- Studenti 12 9 3 30-16 25
- Tirana 12 8 4 29-18 24
- Skënderbeu 11 5 6 17-19 15
- Vllaznia 11 4 7 16-21 13
- Farka Volej 12 4 8 18-26 12
- Elbasani 11 2 9 6-28 6
- Teuta 12 0 12 2-36 0
