Të kuqtë, pasi kanë fituar me vështirësi setin e parë, në të dytin dhe në të tretin kanë dhënë leksione për mënyrën e të luajturit të volejbollit ndaj shijakasve. Erzeni e ka nisur mirë ndeshjen dhe në pushimin e parë teknik është në epërsi 6-8. Partizani me shumë vështirësi ka kthyer në 16-15. Më pas 20-18, 23-20 dhe në fund 25-20.

Seti i dytë është tërësisht për të kuqtë 7-3, 8-3, 16-6, 17-6 dhe në fund 25-12. Skuadra shijakase është plotësisht e dorëzuar, aq sa është detyruar presidenti Markelian Rexhepi që të zbresë për të shkundur të tijtë. Por reagimi është përsëri i mefshtë. 8-4, 16-7 dhe përfundimi i setit të tretë 25-17.

Pikëshënuesit më të mirë të ndeshjes janë Kono dhe Qerraxhija të Partizanit, me nga 11 pikë sicili. Në bllok ka dalë fitues Arapi i Partizanit me tre mure të sakta, pasuar nga Ledio Martiro me dy mure të sakta dhe Parid Uruçi i Erzenit po me dy. Në shërbim ka dalë fitues Kono i Partizanit me tre rezultative.

Në total, në 3 sete, Partizani ka realizuar 75 pikë, prej të cilave 53 pikë vetë, kurse 22 pikët e tjera kanë ardhur nga gabimet e Erzenit. Në anën tjetër, Erzeni, në 3 sete ka shënuar 49 pikë, prej të cilave 32 pikë vetë, kurse 17 pikë kanë ardhur nga gabimet e të kuqve.

Partizani – Erzeni                 3-0

(25-20, 25-12, 25-17)

Partizani: Kono, Troka, Malaj, K.Martiro, Çali, Qerraxhija, Gorenxa (L), Muça (L) / L. Martiro, Arapi. Trajner: Y. Tomori

Erzeni: P. Uruçi, A. Dashi, J. Dashi, Nazifi, Moku, E. Vora, Berisha (L) / Sh. Uruçi. Trajner: R. Muka

Gjyqtarë: E. Zguri, Ko. Gjoka (Tiranë)

Ndihmës: A. Nurja, A. Brokaj (Tiranë)

Kampionati Kombëtar

i Volejbollit – Meshkuj

Java e 7-të

(11-14 nëntor 2016)

Të premten:

Partizani – Erzeni                3-0

Të shtunën:

Skënderbeu – Vllaznia       sot, ora 11:00

Tirana – Elbasani                sot, ora 17:00

Të hënën:

Farka Volej – Studenti        ora 16:00

Teuta                          pushim

Renditja

Nr.       Skuadra         N.        F.         H.        Setet               Pikë

1. Partizani        6          6          0          18-1                18
2. Farka Volej    5          4          1          13-5                12
3. Studenti         5          4          1          12-7                11
4. Erzeni                        6          3          3          12-9                10
5. Tirana             6          3          3          12-10                9
6. Vllaznia         5          3          2          10-8                  9
7. Skënderbeu  6          1          5            3-16                3
8. Teuta              6          1          5            5-17                2
9. Elbasani        5          0          5            3-15                1