Partizani ka shkëlqyer edhe në javën e tretë të Kampionatit Kombëtar të Volejbollit për Meshkuj, teksa ka fituar pastër në fushën e vet me Vllazninë, 3-0. Një ndeshje që është luajtur në sallën Nr. 2 të Pallatit të Sportit “Asllan Rusi” në kryeqytet, por që ka pasur shumë shikues.
Aq sa në mbështetje të skuadrës së trajnerit Ylli Tomori kanë qenë në mbështetje dhe “Ultra Guerrils” të rinj ose quajtur ndryshe “Red Boys”. Në fakt nuk ka qenë një fitore e lehtë e Partizanit, aq më shumë që seti i parë është marrë në pikët shtesë, 26-24. Të kuqtë shpërthejnë fuqishëm në setin e dytë, që e kanë fituar 25-14.
Dhe të njëjtin nivel mbajnë dhe në setin e tretë, që e fitojnë 25-20 dhe krejt ndeshjen 3-0. Kësisoj Partizani vijon të mbajë ritmin e kreut, ndërsa Vllaznia ende nuk e ka shijuar suksesin e fitores, çka përbën një zhgënjim të madh për njërën prej skuadrave që pritej t’i jepte tonin këtij sezoni të rrjetës shqiptare të meshkujve.
Partizani – Vllaznia 3-0
(26-24, 25-14, 25-20)
Kampionatit Kombëtar
i Volejbollit – Meshkuj
Java e 3-të
(14-15 tetor 2016)
Të premten:
Partizani – Vllaznia 3-0
Të shtunën:
Farka Volej – Skënderbeu ora 16:00
Studenti – Elbasani ora 17:00
Teuta – Tirana ora 18:00
Erzeni – pushim
Renditja
Nr. Skuadra N. F. H. Setet Pikë
- Partizani 3 3 0 9-1 9
- Erzeni 2 2 0 6-0 6
- Studenti 2 2 0 6-1 6
- Farka Volej 2 2 0 6-2 6
- Elbasani 1 0 1 0-3 0
- Tirana 2 0 2 2-6 0
- Teuta 2 0 2 1-6 0
- Vllaznia 2 0 2 1-6 0
- Skënderbeu 2 0 2 0-6 0
