Partizani në volejboll për meshkuj vijon ta ketë ndeshje “kunji” sfidën me Studentin e çdo fitore e kësaj sfide është një gëzim i madh për të kuqtë. Sepse, siç pranon dhe ndihmëstrajneri i të kuqve, njëkohësisht kapiteni i Partizanit, Elton Tukseferi, “ne ishim mirë atje, ata na hoqën”. Ndoshta e kanë ekzagjeruar me festimin pas çdo pike, sidomos në setin e 3-të, por ama dominimi i tyre ka qenë i thellë duke mos i dhënë asnjë moment Studentit shkak për të kundërvepruar.

Në setin e parë, Partizani është gjithnjë në epërsi, 8-3, 12-4, 16-5, 16-8, 21-11, 21-14 dhe në fund 25-17. Po kështu në setin e dytë; 4-0, 8-3, 16-8, 22-12 dhe përfundimi 25-15. Vetëm në setin e tretë të besuarit e Sakos kanë arritur të dalin në epërsi 8-9. E më pas gjithçka është nën kontrollin e të kuqve; 11-9, 16-11, 23-20 dhe 25-21 e 3-0. Pikëshënuesi më i mirë i ndeshjes Troka i Partizanit, me 28 pikë, i ndjekur nga Kono i Partizanit dhe Xhabrahimi i Studentit, me nga 10 pikë secila.

Në bllok ka dalë fitues Troka i Partizanit me dy mure të suksesshme, i cili gjithashtu është më i miri i ndeshjes dhe në shërbime me 4 rezultative, i pasuar nga Çali i Partizanit me 3. Në total, në 3 sete, Partizani ka realizuar 75 pikë, prej të cilave 62 pikë vetë, kurse 13 pikë kanë ardhur nga gabimet e Studentit. Në anën tjetër, Studenti ka shënuar në total në 3 sete 53 pikë, prej të cilave 35 pikë vetë, kurse 18 pikë kanë ardhur nga gabimet e Partizanit, që mesatarisht ka falur nga 6 pikë për set.

Partizani – Studenti              3-0

(25-17, 25-15, 25-21)

Partizani: Troka, Qerraxhija, Çali, Gorenxa (L), Kono, K. Martiro, Malaj / Arapi. Trajner: Y. Tomori

Studenti: Pepaj, Bërdufi (L), Kula, Rama, Lundra, Kupi, Xhabrahimi / Baruti, Muça, Çullhaj, Sejati. Trajner: A. Sako

Gjyqtarë: R. Omari, B. Gjuzi (Tiranë)

Kupa e Shqipërisë 2018

Volejboll – Meshkuj

Kalendari i fazës eliminatore:

Grupi A

Dita e parë

(16 dhjetor 2016)

Farka Volej – Teuta             ora 3-0

Studenti – Partizani             ora 0-3

Renditja

Nr.       Skuadra         N.        F.         H.        Setet               Pikë

1. Farka Volej    1          1          0          3-0                  3
2. Partizani        1          1          0          3-0                  3
3. Studenti         1          0          1          0-3                  0
4. Teuta              1          0          1          0-3                  0

Dita e dytë

(17 dhjetor 2016)

Partizani – Teuta                  ora 15:00

Studenti – Farka Volej        ora 17:00

Dita e 3-të

(18 dhjetor 2016)

Teuta – Studenti                  ora 15:00

Farka Volej – Partizani        ora 17:00