ASNN – Skënderbeu mendonte që dje të bënte surprizën për të mposhtur Erzenin, por nuk ia ka dalë. Skuadra shijakase ka fituar bindshëm 3-0 në një ndeshje me shumë emocione. Seti i parë i takimit nis me barazimin 3-3, por vetëm kaq, pasi Skënderbeu duket se akoma nuk është nxehur dhe Erzeni kryeson bindshëm 6-12.
Edhe pse Skënderbeu përpiqet që të afrohet shifrat janë 9-14, 15-18 dhe 16-23, ndërkohë që ky set mbyllet 17-25. Seti i dytë nis sërish me barazimin 4-4 e deri në pikën e 15-të gjithçka është në rivalitet të plotë. Erzeni fillon një shkëputje të lehtë dhe më pas e thellon deri në fund, duke e mbyllur setin e dytë 20-25.
Seti i tretë fillon me epërsinë e vendasve, 4-2, ndërkohë ekuilibri është i dukshëm në parket, teksa herë kryeson Skënderbeu dhe herë Erzeni. 13-13, 16-16 dhe 18-19 janë disa nga rezultat e këtij seti. Në fund fitojnë miqtë nga Shijaku 22-25, të cilët e marrin krejt ndeshjen 3-0.
Skënderbeu – Erzeni 0-3
(17-25, 20-25, 22-25)
Skënderbeu: Haxhillari, Shëllira, Caci, Dragoi, Musaka, Ndardhari, Lumani (L), Kame (L) / Barçi, Driza, Ahmeti. Trajner: P. Kapedani
Erzeni: Lundra, A. Dashi, Uruçi, Kula, Çullhaj, Urdov, Bërdufi (L) / J. Dashi, A. Vora, E. Vora, Arapi, Moku. Trajner: A. Sako
Gjyqtarë: Ko. Gjoka, E. Zenullari (Tiranë)
Kampionati Kombëtar
i Volejbollit – Meshkuj
Java e 14-të
(10 mars 2018)
Skënderbeu – Erzeni 0-3
Vllaznia – Elbasani 3-0
Partizani – Tirana 3-0
Studenti – Teuta 3-0
Farka Volej pushim
Renditja
Nr. Skuadra N. F. H. Setet Pikë
- Partizani 13 12 1 37-9 36
- Erzeni 12 10 2 33-9 31
- Studenti 13 10 3 33-16 28
- Tirana 13 8 5 29-21 24
- Vllaznia 12 5 7 19-21 16
- Skënderbeu 12 5 7 17-22 15
- Farka Volej 12 4 8 18-26 12
- Elbasani 12 2 10 6-31 6
- Teuta 13 0 13 2-39 0
