Studenti ka luajtur si kampione përballë Vllaznisë në ndeshjen e javës së 5-të, ndërsa kështu është ngjitur përsëri në krye të renditjes. Trajneri Ylli Tomorri i ka aktivizuar të gjithë lojtarët e tij. Madje hera-herës ka kërkuar dhe eksperiencën e kapitenit Elton Tukseferi, që tashmë është dhe në rolin e ndihmës-trajnerit të Studentit.

Shkodranët janë përpjekur, por e kanë pasur të pamundur që të marrin më shumë se sa një set në përballjen me kampionët e Shqipërisë. Përsa u përket shifrave, pikëshënuesi më i mirë i ndeshjes është Qafarena i Vllaznisë me 16 pikë, i ndjekur nga Troka i Studentit me 12 pikë.

Në bllok ka dalë fitues Rrashketa i Studentit me 7 mure fituese i ndjekur nga Taflaj i Vllaznisë me 5, si dhe Troka i Studentit me 4. Në shërbim ka dalë fitues Qerraxhia i Studentit me dy të sakta. Në total në 4 sete, Studenti ka shënuar 96 pikë, prej të cilave 68 vetë dhe 28 kanë ardhur nga gabimet e Vllaznisë.

Në krahun tjetër shkodranët në total kanë pasur 84 pikë, prej të cilave 56 vetë, 28 janë nga gabimet e Studentit.

Kampionati Kombëtar

i Volejbollit – Meshkuj

Java e 5-të

(8-10 nëntor 2014)

Tirana – Skënderbeu          3-0

Elbasani – Teuta                  1-3

Studenti – Vllaznia              3-1

Farka Volej                            pushim

Renditja

Nr.       Skuadra         N.        F.         H.        Setet               Pikë

1. Tirana 4          4          0          12-2                12
2. Studenti 5          4          1          13-4                12
3. Teuta 5          3          2          9-9                9
4. Vllaznia 4          2          2          8-7                6
5. Farka Volej 4          2          2          7-6                6
6. Elbasani 4          0          4          2-12              0
7. Skënderbeu 4          0          4          1-12              0