Farka Volej-Tirana është finalja e Kupës së Federatës Shqiptare të Volejbollit për sezonin 2016-2017. Në mënyrë surprizë janë këto dy skuadra, të cilat dje kanë dalë fituese në gjysmëfinale përballë skuadrave që në letër ishin të padiskutueshëm në suksesin e tyre. Qoftë Studenti, i formuar rishtazi nga trajneri Arben Sako me një pjesë të lojtarëve të Tiranës, por dhe Vllaznia, e cila tashmë ka në krye si teknik shefin e klubit Mark Kroqi me një mendje të mprehtë dhe të çdo specialisti duhet të ishin finalistë. Mirëpo nuk ka ndodhur kështu.
Studenti ka zhgënjyer, ndërsa edhe pse ka qenë me petkun e fitueses në fuqi të Kupës së Federatës Shqiptare të Volejbollit për më tepër të titullit kampion, por dhe fituese në fuqi e Kupës së Shqipërisë, nuk ka qenë e tillë në fushë. Për fatin e keq të trajnerit Sako, grupi i lojtarëve që ka një shkallë përvoje shumë të lartë se sa Farka Volej nuk e ka shfaqur maksimalisht atë. Që do të thotë se ky grup ka ndërruar emrin e skuadrës, por duket se nuk ka ndryshuar “lëkurën”, ndërsa mendësia fituese e tyre është ende i zbehtë dhe i vështirë për t’u skalitur dhe një herë tjetër.
Ndonëse është vetëm ndeshja e parë dhe Studenti do të jetë një rival i denjë, por mbetet shumë larg atij ekipi që ka qenë deri në sezonin 2015-2016. Ka fituar Farka Voleji sepse ka ruajtur grupin dhe tashmë duke e njohur me symbyllur lojën e njëri-tjetrit arrijnë të bëjnë surpriza. Në anën tjetër Tirana ka mundur Vllazninë, sepse përvojës së Xhijës, Ferhatit, Kasemit e Batallit i është shtuar një grup lojtarësh jo me shumë emër, por më me shumë dëshirë për të fituar. E me këto shprehi ato janë sot finalist përballë Farka Volejit.
Kupa e Federatës Shqiptare të Volejbollit
Kalendari i Meshkujve:
Gjysmëfinalet:
24 shtator 2016:
Studenti – Farka Volej 1-3
(25-27, 20-25, 32-30, 22-25)
Tirana – Vllaznia 3-2
(23-25, 25-20, 15-25, 25-19, 15-13)
Finalja
25 shtator 2016:
Farka Volej – Tirana ora 19:00
Kupa e Federatës Shqiptare të Volejbollit
Kalendari i Femrave:
Gjysmëfinalet:
23 shtator 2016:
Barleti Volej – Teuta 3-1
(19-25, 25-21, 25-10, 25-8)
Tirana – Skënderbeu 3-0
(25-9, 25-12, 25-20)
Finalja
25 shtator 2016:
Barleti Volej – Tirana ora 17:00
