ASNN – Ndeshja mes Farka Volejit dhe Tirana Volej Team, që është kampionia në fuqi e të rinjve, ka qenë si një seancë stërvitore për skuadrën e Dritan Bardhit. Aq sa trajneri nuk ka pasur shumë nevojë të fliste dhe të udhëzonte lojtarët e tij, të cilët e dinin detyrën ta bënin mirë vetë. Madje i ka dhënë mundësi dhe lojtarëve të stolit në aktivizim, ndërsa lojtari që ka luajtur me moshën më të vogël në Kupën e Shqipërisë është 14-vjeçari Xhajkone.
Në setin e parë, Farka Volej është gjithnjë në epërsi të rezultatit 12-8, 14-8, 20-12 dhe në fund 25-16. Ka disi prishje të ekuilibrave në setin e dytë, sepse Tirana Volej Team është në epërsi në pushimin teknik, 10-12. Por shpejt, edhe falë aftësive të Koçit, Farka Volej kthen në 14-12 dhe në fund 25-20. Për të mos pasur shumë aventura, Bardhi në setin e tretë ka aktivizuar titullarët e tij. Dhe nuk ka më histori, 25-18 për Farka Volej dhe në përfundim 3-0.
Pikëshënuesi më i mirë i ndeshjes është Koçi me 20 pikë. Në bllok kanë dalë fitues Deliu e Koçi i Farka Volejit me dy mure fituese, kurse në shërbim ka dalë fitues përsëri Koçi me gjashtë shërbime të sakta i ndjekur nga Metani me tre të tilla. Në total në tre sete Farka Volej ka realizuar 75 pikë, prej të cilave 61 vetë, kurse 14 kanë ardhur nga gabimet e Tirana Volej Team.
Në krahun tjetër për skuadrën e Albion Hajdarit në tre sete janë shënuar 54 pikë, prej të cilave 34 janë shënuar prej vetë ekipit, kurse 20 kanë ardhur nga gabimet e Farkës. E Farka Volej, e cila për herë të dytë në historinë e saj është kualifikuar për në finalet e Kupës së Shqipërisë, luan sot thjesht për të ndarë vendin e parë dhe të dytë në grupin A me Studentin.
Farka Volej – Tirana Volej Team 3-0
(25-16, 25-20, 25-18)
Farka Volej: Deliu, Koçi, Qepa, Metani, Bajrami, Nimani, Seferi (L) / Vllaçaj, Xhajkone, Plaku. Trajner: D. Bardhi
Tirana Volej Team: Myrto, Kupi, Martiro, Baruti, Shehu, Dushku (L), Bici / Sheldia. Trajner: A. Hajdari
Gjyqtarë: G. Pishtari, T. Zguri (Tiranë)
Kupa e Shqipërisë
Volejboll – Meshkuj
Kalendari i turit çerekfinal:
Grupi A
Renditja
Nr. Skuadra N. F. H. Setet Pikë
- Studenti 2 2 0 6-0 6
- Farka Volej 2 2 0 6-0 6
- Tirana Volej 1 0 1 0-3 0
- Vllaznia 1 0 1 0-3 0
Dita e parë
(29 janar 2015)
Studenti – Tirana Volej 3-0
Farka Volej – Vllaznia 3-0
Dita e dytë
(30 janar 2015)
Farka Volej – Tirana Volej 3-0
Studenti – Vllaznia 3-0
Dita e tretë
(31 janar 2015)
Tirana Volej – Vllaznia ora 16:00
Studenti – Farka Volej ora 18:00
Grupi B
Renditja
Nr. Skuadra N. F. H. Setet Pikë
- Tirana 2 2 0 6-2 6
- Teuta 2 1 1 4-3 3
- Elbasani 3 1 1 4-3 3
- Skënderbeu 1 0 1 0-3 0
Dita e parë
(29 janar 2015)
Tirana – Elbasani 3-1
Teuta – Skënderbeu 3-0
Dita e dytë
(30 janar 2015)
Elbasani – Skënderbeu 3-0
Tirana – Teuta 3-1
Dita e tretë
(31 janar 2015)
Tirana – Skënderbeu ora 10:30
Teuta – Elbasani ora 17:00
