Farka Volej ka mbaruar punë shpejt e shpejt dje në mesditë në Sallën Sportive “Farie Hoti” në Tiranë, teksa ka mundur pastër 3-0 Skënderbeun.

Një fitore që tashmë e ka bërë skuadrën e trajnerit Dritan Bardhi që ta hedhë krizën pas krahëve, e cila kishte që nga mesi i dhjetorit që e mbante mbërthyer.

Një fitore me vlerë tre pikë, që tashmë e ka afruar dhe më shumë Farka Volejin pranë zonës “play-off”-it për titull “kampion”.

Mirëpo për t’u rikonfirmuar si një skuadër e denjë për të luajtur si e barabartë me ato që pretendojnë të marrin titullin kampion janë tre ndeshjet e fundit të fazës së dytë.

Të shtunën Farka do të jetë përballë Studentit. Në mesjavën e ardhshme do të presë Teutën dhe në fund do të jetë përballë Tiranës.

Sa i takon ndeshjes, me përjashtim të setit të dytë, të cilin e ka marrë në pikët e fundit, 25-23, në dy të tjerët ka dominuar totalisht.

Dhe fakti është që setin e tretë e ka përfunduar me diferencë pikësh, 25-15. Dhe në fund 3-0 e një fitore që vlen për Farka Volejin.

Farka Volej – Skënderbeu              3-0

(25-17, 25-23, 25-15)

Kampionati Kombëtar

i Volejbollit – Meshkuj

Java e 11-të

(24 shkurt 2016)

Farka Volej – Skënderbeu             3-0

Vllaznia – Studenti                          2-3

Tirana – Teuta                                  2-3

Elbasani                                            pushim

Renditja

Nr.       Skuadra         N.        F.         H.        Setet               Pikë

1. Tirana 10        7          3          24-11              22
2. Vllaznia 10        7          3          23-15              21
3. Studenti 9        7          2          23-12              19
4. Teuta 9        6          3          22-16              17
5. Farka Volej 9        5          4          19-14              15
6. Skënderbeu 10        1          9          5-27              3
7. Elbasani 9        0          9          6-27              2