ASNN – Me takimin midis Farka Volejit dhe Studentit, që u luajt sot pasdite në Pallatin e Sportit “Asllan Rusi” në kryeqytet dhe që u fitua në 3 sete nga skuadra e trajnerit Dritan Bardhi, është mbyllur edhe java e 7-të e Kampionatit Kombëtar të Volejbollit për Meshkuj, që pati nisur të premten.
Në fakt, ndeshja që u transmetua drejtpërdrejt në TVSH 2 dhe RTSH Sport të Rrjetit të Radio-Televizionit Shqiptar, duke nisur nga ora 16:00, ka qenë “një rrugë me një kalim” për fituesen e trofeut të parë të këtij sezoni, Kupës së Federatës Shqiptare të Volejbollit, e cila ka qenë thuajse gjithë kohën në kryesim, në çdo set.
Studenti, kampion në fuqi, po që ka pësuar ndryshime rrënjësore si në organikë, ashtu edhe në drejtim, është përpjekur në pikët e para të setit të parë, por, më pas, Farka Volej ka marrë në dorë frenat e lojës, duke e fituar këtë set me shifrat 25-21. Edhe seti i dytë ka dhuruar të njëjtën tablo dhe skuadra e trajnerit Bardhi e fiton atë 25-22.
Seti i 3-të nuk ka patur shumë histori, pasi Farka Volej ka kryesuar, madje thellë, dhe, përtej një përpjekje që erdhi shumë vonë dhe ishte shumë pak nga ana e studentit, e fiton edhe setin e tretë 25-20 dhe gjithë ndeshjen 3-0. Farka Volej mban vendin e dytë, tanimë në kuotën e 15 pikëve, 3 më pak sesa Partizani kryesues.
Kampionati Kombëtar
i Volejbollit – Meshkuj
Java e 7-të
(11-14 nëntor 2016)
Të premten:
Partizani – Erzeni 3-0
Të shtunën:
Skënderbeu – Vllaznia 0-3
Tirana – Elbasani 3-0
Të hënën:
Farka Volej – Studenti 3-0
Teuta pushim
Renditja
Nr. Skuadra N. F. H. Setet Pikë
- Partizani 6 6 0 18-1 18
- Farka Volej 6 5 1 16-5 15
- Tirana 7 4 3 15-10 12
- Vllaznia 6 4 2 13-8 12
- Studenti 6 4 2 12-10 11
- Erzeni 6 3 3 12-9 10
- Skënderbeu 7 1 6 3-19 3
- Teuta 6 1 5 5-17 2
- Elbasani 6 0 6 3-18 1
