Farka Volej vazhdon të shkëlqejë në Kampionatin Kombëtar të Volejbollit të Meshkujve, sepse, pas fitores së Kupës së Federatës, ka korrur edhe dy suksese të tjera në kampionat.
Me të njëjtin rezultat, 3-1, ka mundur mbrëmë në Sallën Sportive “Farie Hoti” në kryeqytet, Tiranën, e cila është munduar të rivalizojë, por ka qenë shumë larg objektivit përtej dëshirës.
Në fakt, ndërprerja dy herë e dritave në kohën e nxemjes së skuadrave në prag ndeshje duket sikur nuk paralajmëron situatë të mirë. E megjithatë ndeshja është kryer me sukses. Seti i parë është pikë më pikë, ndërsa zgjidhet në pikët e fundit në favor të Farka Volejit, 25-23.
I dyti i fituar thellë nga Tirana, 25-15, është një shkundje e mirë për djemtë e trajnerit Dritan Bardhi. Që kështu kanë hyrë me tjetër motivim në fushë dhe me të njëjtin rezultat 20-25 fitojnë dy sete radhazi dhe kësisoj kanë arritur fitoren e dytë në këtë kampionat. Tirana ka ende punë për të bërë për t’u kthyer tek suksesi.
Tirana – Farka Volej 1-3
(23-25, 25-15, 20-25, 20-25)
Kampionati Kombëtar
i Volejbollit – Meshkuj
Java e dytë
(7-11 tetor 2016)
Të premten:
Tirana – Farka Volej 1-3
Të shtunën:
Skënderbeu – Partizani ora 14:00
Erzeni – Teuta ora 19:00
Të martën:
Vllaznia – Studenti ora 19:00
Elbasani pushim
Renditja
Nr. Skuadra N. F. H. Setet Pikë
- Farka Volej 2 2 0 6-2 6
- Erzeni 1 1 0 3-0 3
- Studenti 1 1 0 3-0 3
- Partizani 1 1 0 3-1 3
- Teuta 1 0 1 1-3 0
- Elbasani 1 0 1 0-3 0
- Skënderbeu 1 0 1 0-3 0
- Tirana 2 0 2 2-6 0
- Vllaznia 0 0 0 0-0 0
