Pika e 25-të e skuadrës së Ylli Tomorrit në setin e katërt, që ishte dhe pika e fitores së ndeshjes, është kthyer në debate mes ndihmëstrajnerit të Farkës, Petrit Shpata, dhe gjyqtarëve. Madje ka dhe tentativa sulmi nga tifozët ndaj gjyqtarët, por forcat e rendit shmangin përplasjet. Studenti e ka nisur shpejt lojën, ndërsa e ka kryesuar vazhdimisht setin e parë; 0-3, 3-8, 6-14, 9-16, 14-21 dhe në fund 18-25.
Në setin e dytë e nis mirë Farka, që kryeson 8-7, 12-8 dhe 16-9. Por për çudi nis një bllokim i skuadrës së Dritan Bardhi dhe Studenti, që ka kërkuar në lojë edhe përvojën e Tukseferit dhe Kasës, ky i fundit dje ka qenë si një herë e në një kohë, ka përmbysur me rezultatin e pjesshëm 9-16 dhe ka marrë setin e dytë 25-27. I treti është gjithë kohës në epërsi Farka Volejin, që arrin ta fitojë atë 25-23 me shpresën se do ta çojë ndeshjen deri në setin final.
Por nuk ka ndodhur kështu, sepse Studenti duke vlerësuar çdo gjë dhe duke vënë zemrën në fushë ka arritur të fitojë ndeshjen 3-1 duke u kthyer kështu në vendin e katërt me 9 pikë. Një ndeshje vërtetë spektakël që vlerëson nivelin e lartë të volejbollit të meshkujve në Shqipëri
Farka Volej – Studenti 1-3
(18-25, 25-27, 25-23, 23-25)
Farka Volej: Qepa, Koçi, Bërdufi (L), Nimani, Bajrami, Deliu, Metani / Vllaçaj. Trajner: D. Bardhi
Studenti: Çali, K. Martiro, Kono, Qerraxhija, Malaj, L. Martiro, Gorenxa (L) / Tukseferi, Kasa, Muça (L). Trajner: Y. Tomorri
Gjyqtarë: E. Zguri, T. Zguri (Tiranë)
Asistentë: E. Papamihali, A. Nurja (Tiranë)
Kampionati Kombëtar
i Volejbollit – Meshkuj
E prapambetur
(10 dhjetor 2015)
Farka Volej – Studenti 1-3
Renditja
Nr. Skuadra N F H Setet Pikë
- Tirana 5 4 1 13-5 12
- Farka Volej 5 3 2 12-6 10
- Vllaznia 6 4 2 12-10 10
- Studenti 5 3 2 11-8 9
- Teuta 5 3 2 11-9 9
- Skënderbeu 5 1 4 4-12 3
- Elbasani 5 0 5 2-15 0
