Farka Volej në setin e parë ndaj Studentit është gjithnjë në udhëheqje të rezultatit; 8-5, 10-5, 14-10, 16-12, 20-17 dhe në fund 25-21. E njëjta situatë në setin e dytë; 4-1, 8-6, 16-14, 22-20, 22-21, 24-22 dhe në fund 25-22. Këtu kanë nisur dhe keqkuptimet e Ben Sakos me anësorin Nurja, sepse një shërbim i Farka Volejit është konsideruar pikë, ndërsa trajneri i Studentit ka kërkuar jashtë. Protestat e gjata dhe karton i verdhë për të.

Mirëpo dhe në pikën e 25-të të Farka Volejit, Sako ka protestuar ndaj vazhdimit të lojës prej kryesorit Shehu, sepse ka kërkuar faull në një peshim të topit nga lojtarët e Bardhit. Protestat e gjata dhe në ndërrimin e fushave për setin e tretë, aq sa ka ardhur kartoni i kuq për Sakon dhe Studenti e nis këtë set në dizavantazh 0-1. Më pas 8-6, 12-6, 16-10, 19-15 dhe përfundimisht 25-20 në një ndeshje shumë të mirë për Farka Volejin.

Pikëshënuesi më i mirë i ndeshjes është Koçi, i Farka Volejit, me 14 pikë. Në bllok ka dalë fitues Bajrami i Farka Volejit, me 4 mure të sakta, i ndjekur nga Nimani dhe Metani, po të Farka Volejit, me nga 3 mure të suksesshme. Në shërbim, kanë dalë fitues Deliu, Koçi, Qepa, Metani, me nga një rezultativ. Në total, në 3 sete, Farka Volej ka shënuar 75 pikë, prej të cilave 50 pikë vetë, kurse 25 pikë kanë ardhur nga gabimet e Studentit.

Që do të thotë se për shkak të gabimeve në rrjetë, shërbimeve të humbura, apo dhe penalizmit të Sakos me karton të kuq, Studenti duket se ka falur një set. Ndërkohë Studenti në 3 sete ka shënuar 63 pikë, prej të cilave 41 pikë vetë, kurse 22 pikë kanë ardhur nga gabimet e Farka Volejit. Përfundimisht një fitore e thellë dhe e pastër 3-0 e djemve të Bardhit.

Farka Volej – Studenti         3-0

(25-21, 25-22, 25-20)

Farka Volej: Deliu, Koçi, Qepa, Nimani, Bajrami, Metani, Vllaçaj (L) / Xhajkone, Dodaj. Trajner: D. Bardhi

Studenti: Kupi, Kula, Bërdufi (L), A. Lundra, Pepa, Xhabrahimi, Rama / Çullhaj, Muça, Baruti, Sejati. Trajner: A. Sako

Gjyqtarë: A. Shehu, R. Omari (Tiranë)

Ndihmës: A. Brokaj, A. Nurja (Tiranë)

Kampionati Kombëtar

i Volejbollit – Meshkuj

Java e 7-të

(11-14 nëntor 2016)

Të premten:

Partizani – Erzeni                3-0

Të shtunën:

Skënderbeu – Vllaznia       0-3

Tirana – Elbasani                3-0

Të hënën:

Farka Volej – Studenti        3-0

Teuta                                      pushim

Renditja

Nr.       Skuadra         N.        F.         H.        Setet               Pikë

1. Partizani        6          6          0          18-1                18
2. Farka Volej    6          5          1          16-5                15
3. Tirana             7          4          3          15-10              12
4. Vllaznia         6          4          2          13-8                12
5. Studenti         6          4          2          12-10              11
6. Erzeni                        6          3          3          12-9                10
7. Skënderbeu  7          1          6            3-19                3
8. Teuta              6          1          5            5-17                2
9. Elbasani        6          0          6            3-18                1