Farka Volej, fituesja e Kupës së Federatës Shqiptare të Volejbollit vetëm një javë më parë, mund të quhet me plot gojëbn një skuadër aventuriere. Aq sa e lë pa gojë dhe trajnerin e saj Dritan Bardhi, që deri në fund të ndeshjes nuk ka folur dhe as ka reaguar ndaj skuadrës, e cila ka mundur ta nxjerrë në 4 sete përballjen me durrsakët. Duke e ditur që Teutës i kanë mbetur nga të vjetrit vetëm Bardhi, Kolea e Biduli, ndërsa pjesa tjetër janë krejtësisht lojtarë të rinj e pa shumë përvojë, Bardhi vendos ta nisë ndryshe.

Që do të thotë se Koçin e Nimanin e ka lënë në stol dhe ka aktivizuar të riun Dodaj, si dhe Gentian Lundrës, që rikthehej pas një viti mungese për shkak dëmtimi. Ndeshja ecën mirë deri në pushimin e parë teknik, teksa Farka kryeson 8-3. Por vetvetiu durrsakët ringjallen. Në lojë nuk është vetëm Bardhi e Kolea, apo Biduli, por dhe të rinjtë Bushpepa, Tuci e Jazenxhiu. Dhe për rrjedhojë vjen kthesa. 12-16, 15-17. Barazon Farka në 21-21. Por Teuta nuk ndalet 21-23 dhe në fund 22-25.

Një shkundje e fortë për vendësit, që setin e dytë e fitojnë 25-7. I treti u ka shkuar mirë deri në 24-23. Teuta barazon në 24-24, por në fund Farka shënon në pikët shtesë dhe fiton 26-24. I katërti nuk ka më histori 8-5, 16-11, 23-17 dhe 25-18 e 3-1. Pikëshënuesi më i mirë i ndeshjes është Redi Koçi i Farka Volejit, me 15 pikë, po aq sa edhe Kolea i Teutës, të cilët ndiqen nga Qepa i Farka Volejit dhe Bushpepa i Teutës, me nga 11 pikë. Në bllok, ka dalë fitues ka dalë Koçi me tre mure të suksesshme, kurse në shërbim Koçi i Farka Volejit dhe Bushpepa i Teutës, me nga 3 rezultative.

Farka Volej – Teuta              3-1

(22-25, 25-7, 26-24, 25-18)

Farka Volej: Deliu, Qepa, Bajrami, Dodaj, G. Lundra, Metani, Vllaçaj (L) / Xhajkone, Koçi. Trajner: D. Bardhi

Teuta: Bardhi, Kolea, Biduli, Bushpepa, Jazenxhiu, Tuci, Malaj (L) / Masha, Kovaçi Trajner: L. Marangoni

Gjyqtarë: T. Zguri, A. Shehu (Tiranë)

Ndihmës: E. Papamihali, A. Nurja (Tiranë)

Kampionati Kombëtar

i Volejbollit – Meshkuj

Java e parë

(30 shtator-1 tetor 2016)

Të premten:

Partizani – Tirana                3-1

Të shtunën:

Elbasani – Erzeni                0-3

Studenti – Skënderbeu      3-0

Farka Volej – Teuta             3-1

Vllaznia – pushim

Renditja

Nr.       Skuadra         N.        F.         H.        Setet               Pikë

1. Erzeni                        1          1          0          3-0                  3
2. Studenti         1          1          0          3-0                  3
3. Farka Volej    1          1          0          3-1                  3
4. Partizani        1          1          0          3-1                  3
5. Teuta              1          0          1          1-3                  0
6. Tirana             1          0          1          1-3                  0
7. Elbasani        1          0          1          0-3                  0
8. Skënderbeu  1          0          1          0-3                  0
9. Vllaznia         0          0          0          0-0                  0