ASNN – Skënderbeu, në volejboll për meshkuj, nuk ka arritur të ndalë dje as Erzenin në një ndeshje që duhet thënë se është fituar me meritë nga shijakasit, pastër 3-0. Që në setin e parë të ndeshjes u duk qartë që miqtë ishin më të saktë dhe e kishin vlerësuar maksimalisht këtë takim, ndërsa kanë kryesuar 4-8, 10-16 dhe 17-21 e në fund 21-25 për ta.
Seti i dytë është më i lehtë për miqtë që kryesojnë vazhdimisht 7-12 dhe 13-19, ndërkohë që e mbyllin edhe këtë set 17-25. Seti i tretë ka qenë edhe më i bukuri i këtij takimi. Janë korçarët që në fillim kryesojnë 4-0, madje edhe 7-2. E pas këtij momenti janë shijakasit, që e barazojnë në 7-7. Rezultati barazohet disa herë madje deri në shifrat 14-14.
Ky është momenti kur gjyqtari Dusha nxjerr edhe një karton të verdhë për kapitenin e Skënderbeut, Haxhillari, pas protestës që pati për një pikë që ju dha kundër korçarëve. Duket se që pas këtij momenti janë miqtë që kryesojnë me 2-3 pikë vazhdimisht deri në fund. Skënderbeu nuk arrin të fitojë qoftë edhe një set, 22-25 është rezultati përfundimtar i setit të tretë dhe krejt ndeshja mbyllet 0-3 për Erzenin.
Skënderbeu – Erzeni 0-3
(21-25, 17-25, 22-25)
Skënderbeu: Haxhillari, Dragoi, Caci, Toska, Musaka, Pira, Lumani (L), Shishi (L) / Ndardhari, Shëllira, Dhimitri, Çerçizi. Trajner: A. Prifti
Erzeni: P. Uruçi, A. Dashi, J. Dashi, Nazifi, E. Vora, Moku, Berisha (L) / Sh. Uruçi, Mustafai, A. Vora. Trajner: R. Muka
Gjyqtarë: E. Dusha, Ç. Kojku (Tiranë)
Kampionati Kombëtar
i Volejbollit – Meshkuj
Java e 6-të
(4-5 nëntor 2016)
Të premten:
Studenti – Partizani 0-3
Të shtunën:
Skënderbeu – Erzeni 0-3
Elbasani – Teuta 2-3
Vllaznia – Tirana 3-1
Farka Volej pushim
Renditja
Nr. Skuadra N. F. H. Setet Pikë
- Partizani 5 5 0 15-1 15
- Farka Volej 5 4 1 13-5 12
- Studenti 5 4 1 12-7 11
- Erzeni 5 3 2 12-6 10
- Tirana 6 3 3 12-10 9
- Vllaznia 5 3 2 10-8 9
- Skënderbeu 6 1 5 3-16 3
- Teuta 6 1 5 5-17 2
- Elbasani 5 0 5 3-15 1
