Drejtori teknik i kombëtares së volejbollit të meshkujve, Dritan Çuko: “Rezultatet që arritëm janë të ndikuara dhe nga kundërshtarët që patëm përballë, që kishim lojtarë me kapacitet të lartë fizik e teknik”. “Pas mungesës së gjatë në këto evenimente si staf mësuam se ku duhet të përqendrohemi më shumë në të ardhmen”, – ka pohuar ai.

“Pavarësisht diferencës që kemi në nivel, mendoj se nuk ishte niveli mes lojtarëve që luajnë jashtë e dhe atyre në kampionatit vendës që nuk dha rezultat, – ka vijuar zyrtari i FSHV-së. – Që do të thotë se problemet nuk kanë ardhur për mungesë të këtyre disniveleve.”

“Me problemet që u konstatuan në nivel kolektiv e individual atëherë ne nuk jemi në gjendje të përballemi akoma me ekipe të konsoliduara në të gjitha aspektet”, – theksoi Çuko, i cili ka deklaruar se shumë shpejt do të ketë dhe një analizë me drejtuesit e Federatës Shqiptare të Volejbollit për të gjithë paraqitjen e kombëtares së meshkujve në këtë veprimtari.

“Sepse vetëm kështu mund të planifikojmë punën në vazhdim”, – ka përfunduar Drejtori teknik i kombëtares së volejbollit të meshkujve, Dritan Çuko. Ndërkohë, suksesi i kombëtares së femrave, që në Ligën e Evropës është drejtuar nga Altin Martiro dhe Roland Tarja, teksa ka fituar 3-2 në Durrës ndaj Polonisë dhe Bjellorusisë, nuk ka kaluar në heshtje prej drejtorit teknik të meshkujve.

Dhe urimi i Dritan Çukos ishte: “Dëshiroj të përfitoj nga rasti e te përgëzoj ekipin kombëtar të femrave, si dhe drejtuesit e saj për rezultatet dhe atmosferën që na dhuruan”.

Rezultatet e Shqipërisë në

Ligën e Evropës

Volejboll – Meshkuj

Varna, 10-12 qershor 2016:

Shqipëri – Maqedoni           0-3

Shqipëri – Bullgari               0-3

Shqipëri – Danimarkë         0-3

Shkup, 16-18 qershor 2016

Shqipëri – Maqedoni           2-3

Shqipëri – Bullgari               0-3

Shqipëri – Danimarkë         0-3

Dy humbje në ndeshje miqësore me Malin e Zi,

më 27 dhe 28 maj 2016, 1-3 dhe 0-3