Ka nisur me një surprizë Kampionati Kombëtar i Volejbollit për Meshkuj, për sezonin 2015-2016. Dhe ajo vjen nga Shkodra, atje ku Farka Voleji e trajnerëve Dritan Bardhi dhe Petrit Shpata i ka befasuar të gjithë me atë fitore 3-0.
Shkodranët kanë humbur kështu përballë Farka Volejit në 3 sete, ndeshje e luajtur në Ppallatin e Sportit “Qazim Dervishi”. Në fakt ka qenë një humbje e papritur për Vllazninë, skuadër e cila në sfidën e saj të parë në këtë sezon synonte fitoren.
Diferencat duket se kanë qenë të mëdha që në setin e parë, kur miqtë kanë fituar 16-25. Edhe në të dytin, djemtë e trajnerit pasionant, Bardhi, janë gjithnjë në epërsi, derisa në fund e kanë marrë 21-25.
Ka shtangie tek shkodranët të cilët nuk e besonin se do të ishin ka shpejt dhe në këtë mënyrë në një disavantazh prej 2-0. Dhe janë kujtuar të luanin në setin e tretë, por gjithçka ka shkuar në shtesë.
24-24, 25-25, 26-26 dhe barazimi i fundit është 27-27. Pas kësaj vijnë dy pikët e arta të Farka Volejit, që fiton kështu pastër 3-0 dhe sinjalizon kandidatët se këtë sezon do të synojë më tepër se në dy sezonet e fundit.
Vllaznia – Farka Volej 0-3
(16-25, 21-25, 27-29)
Vllaznia: Miloti, Jukni, N. Qafarena, R. Kola, Taflaj, Rrashketa / R. Kola, Çekini, A. Qafarena, Lloshi, Haxhagiç, Preka. Trajner: P. Jukni
Farka Volej: Deliu, Koçi, O. Qepa, Ketavi, Bajrami, Nimani / Vllaçaj, Plaku, Doda, E. Qepa, Berdufi. Trajner D. Bardhi
Gjyqtarë: E. Mujo, K. Gjoka(Tiranë)
Kampionati Kombëtar
i Volejbollit – Meshkuj
Java e parë
(31 tetor 2015)
Teuta – Skënderbeu 3-0
Tirana – Elbasani 3-0
Vllaznia – Farka Volej 0-3
Studenti pushim
Renditja
Nr. Skuadra N. F. H. Setet Pikë
- Farka Volej 1 1 0 3-0 3
- Teuta 1 1 0 3-0 3
- Tirana 1 1 0 3-0 3
- Elbasani 1 0 1 0-3 0
- Skënderbeu 1 0 1 0-3 0
- Vllaznia 1 0 1 0-3 0
- Studenti 0 0 0 0-0 0
