Të kuqtë e Ylli Tomorit e kanë mbyllur gjysmën e parë të sezonit me vendin e parë në grupin A e jo vetëm kaq, por në 11 ndeshje të luajtura, 11 fitore; 33 sete të fituara e 2 të humbura. Partizani edhe duke pasur Arbër Trokën gjysmën e ekipit arrin që ta vërë nën diktat takimin që në pikët e para. 8-4, 15-6, 16-7, 18-13, 23-19 dhe 25-20. Seti i dytë ka një nisje ndryshe për Farka Volejin, që ka kryesuar deri në pushimin e parë teknik 5-8.
Mirëpo ka një “black-out” për ekipin e Bardhit, ndërsa të kuqtë me një epërsi të pjesshme, 6-1, ka përmbysur në 11-9 dhe më pas ka kryesuar në 16-12, 21-16, 22-18 dhe në përfundim të setit të dytë 25-19. I treti sërish është nën dominimin e Partizanit; 5-3, 8-4, 16-10, 21-16, 21-19, 22-19 dhe përfundimisht 25-21 dhe në përfundim 3-0 për të kuqtë, që kështu kanë vulosur kryesimin në grupin A të fazës eliminatore të Kupës së Shqipërisë.
Pikëshënuesi më i mirë i ndeshjes është Troka i Partizanit, me 19 pikë, i pasuar nga Metani i Farka Volejit, me 12 pikë, dhe Kono i Partizanit, me 11 pikë. Në bllok ka triumfuar Troka i Partizanit, me 3 mure fituese, i ndjekur nga Malaj i Partizanit, me dy mure fituese, si dhe Bajrami e Metani të Farka Volejit me nga dy të tillë. Në shërbim ka dalë fitues me nga dy rezultative Troka i Partizanit dhe Metani i Farka Volejit.
Në total, në 3 sete, Partizani ka realizuar 75 pikë, prej të cilave 60 pikë vetë, kurse 15 pikë kanë ardhur nga gabimet e Farka Volejit. Në krahun tjetër, Farka Voleji, në 3 sete, ka shënuar 60 pikë në total, prej të cilave 39 pikë vetë, kurse 21 pikë kanë ardhur nga gabimet e Partizanit, që mesatarisht ka dhuruar 7 pikë për set, edhe pse mbetet në kuptimin e plotë të fjalës skuadër absolute.
Partizani – Farka Volej 3-0
(25-20, 25-19, 25-21)
Partizani: Malaj, Troka, Qerraxhija, Çali, K. Martiro, Kono, Gorenxa (L) / Kasa, Arapi, L. Martiro. Trajner: Y. Tomori
Farka Volej: Deliu, Koçi, Qepa, Bajrami, Mimani, Vllaçaj (L), Metani / Xhajkone, Dodaj, Topçiu (L), Lundra. Trajner: D. Bardhi
Gjyqtarë: Ko. Gjoka, A. Shehu (Tiranë)
Ndihmës: E. Papamihali, A. Nurja (Tiranë)
Kupa e Shqipërisë 2018
Volejboll – Meshkuj
Kalendari i fazës eliminatore:
Grupi A
Dita e parë
(16 dhjetor 2016)
Farka Volej – Teuta 3-0
(25-12, 25-21, 25-14)
Partizani – Studenti 3-0
(25-17, 25-15, 25-21)
Dita e dytë
(17 dhjetor 2016)
Partizani – Teuta 3-0
(25-12, 25-14, 25-17)
Farka Volej – Studenti 3-1
(19-25, 25-19, 25-17, 25-21)
Dita e 3-të
(18 dhjetor 2016)
Studenti – Teuta 3-0
(25-9, 25-15, 25-12)
Partizani – Farka Volej 3-0
(25-20, 25-19, 25-21)
Renditja
Nr. Skuadra N. F. H. Setet Pikë
- Partizani 3 3 0 9-0 9
- Farka Volej 3 2 1 6-4 6
- Studenti 3 1 2 4-6 3
- Teuta 3 0 3 0-9 0
Gjysmëfinalet:
Partizani – Erzeni
Farka Volej – Vllaznia
