Federata Shqiptare e Volejbollit, edhe duke qenë në prag të sezonit të ri, i cili nis më 24 tetor, ka hedhur shortin e kampionatit. Disi me vonesë ky short, apo dhe ky start i kampionatit të volejbollit shqiptar.

Që kështu, edhe për shkak të problemeve të mbartura që vijnë nga borxhet ndaj gjyqtarëve dhe hotel “Tirana-International”, ka shmangur Kupën e Federatës, që gjithnjë ka qenë aktiviteti i parë që hapte sezonin.

Tashmë kanë mbetur Kupa e Shqipërisë dhe Kupa e Pavarësisë, nëse do të ketë të tillë. Por përtej kësaj, ajo që të vjen keq është se shorti duket sikur është bërë në mënyrë “klandestine”.

Megjithatë shorti u hodh dhe volejbolli shqiptar është gati për sezonin e ri 2015-2016, që nis më 24 tetor. Sa për njoftim Studenti në volejboll për meshkuj dhe Barleti Volej për femra janë kampionët në fuqi dhe njëkohësisht dhe fituesit e Kupës së Shqipërisë.

Kalendari i javës së parë të volejbollit

Kampionati Kombëtar

i Volejbollit – Meshkuj

Java e parë:

Të shtunën, 24 tetor 2015:

Teuta – Skënderbeu

Tirana – Elbasani

Vllaznia – Farka Volej

Studenti – pushim

Kampionati Kombëtar

i Volejbollit – Femra

Grupi A1

Java e parë:

Të shtunën, 24 tetor 2015:

Elbasani – Barleti Volej

Partizani – Vllaznia

Skënderbeu – Teuta

Tirana – Flamurtari

Kampionati Kombëtar

i Volejbollit – Femra

Grupi A2

Java e parë:

Të shtunën, 24 tetor 2015:

Divjaka – Lushnja

Apolonia – Korabi

Minatori – Dinamo

Studenti – Vlora Volej