Tirana në volejboll për femra ka bërë “viktimë” Elbasanin për t’u rikthyer tek suksesi i munguar. Madje përballë mikesha që janë shfaqur të mefshta trajneri Gorenxa ka pasur mundësinë e aktivizimit të të rejave në formacion.
Dhe ndryshimet kanë nisur që në fillim teksa lojtare e lirë në vend të veteranes Sejfullai ka luajtur Shehi. Jo vetëm kaq, por në mungesë të Gjokutajt (Sallaku) në 7-shen bazë krahas Kushit dhe Agollit ka vend në formacion dhe për Fushën.
E më pas gradualisht duke i bërë vend edhe Kokonozit dhe Metës, Tirana ka aktivizuar dhe Shirën. E për rrjedhojë ndeshja me Elbasanin ka qenë test për të gjitha lojtaret e Tiranes duke menduar kështu që tani për sfidën me Barletin Volej.
Sa për Elbasanin duhet thënë që rezistenca ka zgjatur vetëm në setin e parë, aq sa në një moment trajnerja Garunja i është drejtuar të sajave: “Kaq e patët ju?!” Por përtej ndonjë tendence për karikim, Tirana nuk ka lënë asnjë shteg për kthesë, sepse ka qenë e përqendruar për ta mbyllur sa më shpejt këtë ndeshje.
Durrsaket në volejboll për femra kanë arritur një fitore më shumë se të lehtë dje në Pallatin e Sportit “Tamara Nikolla” të Korçës ndaj vendaseve, madje më të lehtë se çfarë e kishin parashikuar. Takimi i djeshëm nuk ka zgjatur më shumë se 60 minuta, duke i dhënë një fitore të pastër 0-3 Teutës në juglindje të vendit.
Kampionati Kombëtar
i Volejbollit – Femra
Grupi A1
Java e dytë
(7-11 tetor 2016)
Të premten:
Partizani – Barleti Volej 0-3
Të shtunën:
Tirana – Elbasani 3-0
Skënderbeu – Teuta 0-3
Të martën:
Vllaznia – Lushnja ora 14:00
Renditja
Nr. Skuadra N. F. H. Setet Pikë
- Barleti Volej 2 2 0 6-0 6
- Teuta 2 2 0 6-2 5
- Tirana 2 1 1 5-3 4
- Partizani 2 1 0 3-3 3
- Vllaznia 1 1 0 3-2 2
- Skënderbeu 2 0 2 2-6 1
- Elbasani 2 0 2 0-6 0
- Lushnja 1 0 1 0-3 0
