Tirana është fituesja e Kupës “Admir Mulaj”, që është zhvilluar dje në palestrën e shkollës 9-vjeçare në kryeqytet. Një veprimtari e organizuar nga Dinamo dhe trajneri i kësaj skuadre Genci Nexhipi, sepse Admir Mulaj, së bashku me Universitetin Ndërkombëtar të Tiranës, kanë qenë sponsorizuesit e parë të ekipit të të rriturave blu, i cili kthehej në parket pas një dekade.
“Faleminderit që ishe mes nesh dhe besove tek ne”, ishte mesazhi i dinamoviteve për Mulaj, të cilin dje në ceremoninë e hapjes e kanë nderuar dhe mjeshtri i volejbollit shqiptar Vangjel Kola, akademiku dhe presidenti i nderit i peshëngritjes shqiptare, Gudar Beqiraj, si dhe ish-lojtarja e Dinamos dhe Partizanit dhe ekipit kombëtar, Lulëzime Duka.
Por i ftuari më i madh i kësaj veprimtarie, që mblodhi Dinamon, Tiranën dhe Barletin Volej, ishte Princi Leka. Janë luajtur tre ndeshje me nga dy sete të fituara e që janë drejtuar nga një gjyqtar i vetëm si Ardit Nurja. Vajzat e Rudina Omarit kanë konfirmuar jo vetëm se janë të denja si kampione në fuqi e të rejave, por se janë edhe një bazë e fortë edhe për ekipin e të rriturave. Shembulli konkret, Stela Agolli
Kupa “Admir Mulaj”
Volejboll – Femra
Dinamo – Barleti Volej 2-0
(25-22, 25-20)
Dinamo: Hani, Miraka, Demo, Nexhipi, Hasa, Shahaj, Lulo, Jangozi, Leka. Trajner: G. Nexhipi
Barleti Volej: Hasku, Zeqirllari, B. Xhelilaj, K. Xhelilaj, Shabaku, Celej, Brahimi. Trajner: G. Pirra. Gjyqtar: A. Nurja (Tiranë)
Barleti Volej – Tirana 0-2
(21-25, 16-25)
Barleti Volej: Hasku, Zeqirllari, B. Xhelilaj, K. Xhelilaj, Shabaku, Celej, Brahimi, Cuka, Bardhi, Drazhi, Podgokiç. Trajner: G. Pirra
Tirana: Agolli, Shira, Fusha, Kushi, Ahmetaj, Gjeçi, Loku, Prenfezaj, Terpollari, Guduni, Shehaj. Trajner: R. Omari
Gjyqtar: A. Nurja (Tiranë)
Dinamo – Tirana 0-2
(20-25, 18-25)
Dinamo: Hani, Miraka, Demo, Nexhipi, Hasa, Shahaj, Lulo, Jangozi, Leka. Trajner: G. Nexhipi
Tirana: Agolli, Shira, Fusha, Kushi, Ahmetaj, Gjeçi, Loku, Prenfezaj, Terpollari, Guduni, Shehaj. Trajner: R. Omari
Gjyqtar: A. Nurja (Tiranë)
