ASNN – Pas shumë polemikash, nisi zyrtarisht dje sezoni sportiv 2015-2016 për volejbollin me Kupën e Federatës që këtë vit përkon me 70-vjetorin. Të parat që zbritën në parket ishin femrat me gjysmëfinalet, që kishin vënë përballë çiftet Tirana-Partizani dhe Barleti Volej-Teuta.

Dhe në finale u kualifikuan Tirana dhe Barleti Volej, fituesja në fuqi e Kupës pas fitoreve 3-0. Në derbin e kryeqytetit nuk pati histori. Këtë e dëshmon edhe fakti se epërsia e Tiranës në shifra ishte tepër e thellë. Seti parë mbyllet 25-3 për skuadrën e trajnerit Adrian Goranxa.

Të njëjtën tablo servirin edhe dy setet e ardhshme ku Tirana kërkoi ta mbyllte sa më herët sfidën dhe fitoi përkatësisht 25-6 dhe 25-3. Më tepër rivalitet pati takimi i radhës, por gjithmonë Barleti Volej një hap përpara. Të besuarat e trajnerit Hasan Gurabardhi konfirmuan se janë edhe këtë vit skuadra për t’u mposhtur.

Kupa e 70-vjetorit të

Federatës Shqiptare të Volejbollit

Femra

Gjysmëfinalet

(20 tetor 2015)

Tirana – Partizani                3-0

(25-3, 25-6, 25-3)

Barleti Volej – Teuta            3-0

(25-15, 25-13, 25-16)

Finalja

(22 tetor 2015)

Tirana – Barleti Volej            ora 16:00

Meshkuj

Gjysmëfinalet

(21 tetor 2015)

Tirana – Teuta                      ora 16:00

Studenti – Vllaznia              ora 18:00

Finalja:

Më 22 tetor 2015                  ora 18:00