ASNN – Durrsaket në volejboll për femra kanë arritur një fitore më shumë se të lehtë dje në Pallatin e Sportit “Tamara Nikolla” të Korçës ndaj vendaseve, madje më të lehtë se çfarë e kishin parashikuar. Skënderbeu këtë sezon, ashtu siç u duk edhe në ndeshjen e parë të kampionatit ndaj Vllaznisë, është në një nivel më shumë se të ulët.

Kjo për shkak të largimeve të shumta që do të ndikojnë javë pas jave. Takimi i djeshëm nuk ka zgjatur më shumë se 60 minuta, duke i dhënë një fitore të pastër 0-3 Teutës në juglindje të vendit. Vetëm seti i parë mund të themi se ka pasur disi rivalitet, por kjo më shumë për nënvleftësim të volejbollisteve mike, se sa për meritë të atyre vendëse.

2-7, 10-16, 18-20 janë disa nga pikët e setit të parë, teksa në fund Teuta e mbyll 22-25. Pritej që në fakt edhe setet e tjera të kishin të njëjtën pamje, por durrsaket nuk e zgjasin dhe kryesojnë që në start 1-6, 4-10 dhe më pas shkëputen edhe më shumë teksa rezultati përfundimtar i setit të dytë është 16-25.

Seti i tretë është thjesht një formalitet, pasi korçaret nuk kanë fuqi të reagojnë dhe deri në fund të këtij seti nuk shënojnë më shumë se 7 pikë kundrejt 25-së të mikeshave. Skënderbeu mundet 0-3 në shtëpi nga Teutës, teksa durrsaket pas kësaj fitoreje e shohin veten në kuotën e 5 pikëve.

Ndërkohë që Skënderbeu mbetet në vendet e fundit me vetëm një pikë të fituar.

Skënderbeu – Teuta                        0-3

(22-25, 16-25, 7-25)

Skënderbeu: Shahu, Grabocka, Beshiri, Demiraj, Dallas, Mujo, Busho (L) / Potomi, Nastas, Jatagani, Xhevat. Trajnere: T. Marash

Teuta: Begiçi, Guza, Matoshi, Gashi, Rexhepi, Disha, Llapi (L) / Avdyli, Hoxha, Çuka, Kodra. Trajner: E. Jazenxhi

Gjyqtarë: V. Sojati, K. Agolli (Tiranë)

Kampionati Kombëtar

i Volejbollit – Femra

Grupi A1

Java e dytë

(7-11 tetor 2016)

Të premten:

Partizani – Barleti Volej                  0-3

Të shtunën:

Tirana – Elbasani                             3-0

Skënderbeu – Teuta                                    0-3

Të martën:

Vllaznia – Lushnja                           ora 14:00

Renditja

Nr.       Skuadra         N.        F.         H.        Setet               Pikë

1. Barleti Volej   2          2          0          6-0                  6
2. Teuta              2          2          0          6-2                  5
3. Tirana             2          1          1          5-3                  4
4. Partizani        2          1          0          3-3                  3
5. Vllaznia         1          1          0          3-2                  2
6. Skënderbeu  2          0          2          2-6                  1
7. Elbasani        2          0          2          0-6                  0
8. Lushnja         1          0          1          0-3                  0