Bardheblutë e Gorenxës jo vetëm që kanë fituar dje 3-1 në sallën kryesore “Asllan Rusi”, por e kanë detyruar presidentin e skuadrës kampione, Gafurr Dudajn, që të thërrasë në analizë trajnerin Gurabardhi. Tirana e nis vrullshëm 2-6, 3-8, 14-16. Kthen Barleti Volej në 20-19. Por pas dy barazimeve 22-22, 24-24, në fund është Tirana që fiton 26-24. I dyti përsëri është nën vrullin e Tiranë 2-5, 3-8, 6-11, 11-16, 14-16.

Dhe ka një farë reagimi të kampioneve, që kthejnë në 21-19. Por pas barazimit 25-25, përsëri fiton Tirana 27-25. I treti teksa e shfaq Barleti Volejin të dorëzuar në 15-19 e kthen skuadrën e Gurabardhit në lojë vetëm pas barazimi 20-20, ndërsa fiton setin në 25-22. Mirëpo vetëm kaq, sepse Tirana me të njëjtin rezultat ka fituar setin e katërt dhe krejt ndeshjen 3-1.

Pikëshënuesja më e mirë e ndeshjes Esmeralda Tuci e Tiranës me 28 pikë e ndjekur nga Braho e Barleti Volejit me 24 pikë, si dhe Bici e Barleti Volejit me 17 pikë e Shkurti e Tiranës me 15 pikë. Në bllok ka dalë fituese Nezaj me tetë mure fituese e ndjekur nga Malvina Tuci, Bici e Thaka të Barleti Volejit me tre mure fituese. Në shërbim është fituese Pirra e Tiranës me 5 rezultative.

Në katër sete Barleti Volej ka shënuar 96 pikë prej të cilave 70 pikë vetë, kurse 26 pikë kanë ardhur nga gabimet e Tiranës. Në krahun tjetër Tirana në katër sete ka realizuar 100 pikë prej të cilave 75 pikë vetë, kurse 25 pikë kanë ardhur nga gabimet e Barleti Volejit. Në përfundim Tirana sot është kryesuese e denjë e volejbollit të femrave dhe me një përqindje shumë të madhe për kampione, sepse ka treguar që e meriton një trofe të tillë. Të paktën për skuadrën që ka…

Barleti Volej – Tirana 1-3

(24-26, 25-27, 25-22, 22-25)

Barleti Volej: Xheka, Fagu (L), Bici, Braho, Xhixha, M. Tuci, Thaka / Brati, Hasku, Shabaku, Xhelilaj. Trajner: H.Gurabardhi

Tirana: Shkurti, Sejfullai (L), Nezaj, E. Tuci, Pirra, Hoxha, Blloku / Lasku, E. Meta. Trajner: A. Gorenxa

Gjyqtarë: I.Fështi, E.Zenullari (Tiranë)

Ndihmës: A.Nurja, E.Braho (Tiranë)

Kampionati Kombëtar

i Volejbollit – Femra

Grupi A1

Java e 14-të

(9 prill 2016)

Partizani – Teuta                  0-3

Barleti Volej – Tirana           1-3

Skënderbeu – Flamurtari   3-0

Elbasani – Vllaznia             0-3

Renditja

Nr.       Skuadra         N         F          H         Setet               Pikë

1. Tirana             14        13          1        40-4                39
2. Barleti Volej   14        13          1        40-4                39
3. Skënderbeu  14        10          4        30-16              28
4. Teuta              14          6          8        23-26              20
5. Vllaznia         14          6          8        21-26              18
6. Partizani        14          6          8        18-28              18
7. Elbasani        14          2        12          9-36                6
8. Flamurtari      14          0        14          1-42                0